აჭარის ჯანდაცვის მინისტრის პირველი მოადგილე მარი ზანაქიძე კონფერენციას - „ცელიაკია: სიახლეები და გამოწვევები“ დაესწრო

2023-06-24 17:47:01, 1412 ნახვა

რეგიონი

აჭარის ჯანმრთელობისა და სოციალური დაცვის მინისტრის პირველი მოადგილე მარი ზანაქიძე "საქართველოს ცელიაკიის ეროვნული ასოციაციის“ მიერ ორგანიზებულ კონფერენციას - "ცელიაკია: სიახლეები და გამოწვევები“ დაესწრო და მონაწილეებს სიტყვით მიმართა.

აჭარის ჯანდაცვის სამინისტროს ცნობით, კონფერენციაზე ცელიაკიის მქონე პაციენტთა ცხოვრების ხარისხის გაუმჯობესებასა და აღნიშნულ თემაზე ცნობიერების ამაღლების შესახებ ისაუბრეს "სცეას“ პრეზიდენტმა ქეთი ტაბატაძემ, ბავშვთა გასტროენტერლოგმა მარიამ ღუღუნიშვილმა, პედიატრმა ნაზი ტაბატაძემ, ხოლო აჭარის რეგიონში არსებულ მდგომარეობაზე პრეზენტაციები წარადგინეს ადგილობრივმა ექიმებმა.

"კონფერენცია ღია იყო ცელიაკიის მქონე ადამიანებისთვის და ცელიაკიის მქონე ბავშვების მშობლებისთვის. კონფერენციის მიზანს წარმოადგენდა სახელმწიფო და კერძო უწყებებს შორის პაციენტთა ინტერესებისა და საჭიროებების მიხედვით მედიაცია.

ცელიაკია დაავადებაა, რომლის დროსაც ვლინდება რიგი პროდუქტების აუტანლობა, ზიანდება თხელი ნაწლავის კედლები და ირღვევა საჭმლის მონელების პროცესი. დაავადების მიზეზს წარმოადგენს თანდაყოლილი ფორმა - აუტოიმუნური, ალერგიული და მემკვიდრეობითი ფაქტორები",- ნათქვამია აჭარის ჯანდაცვის სამინისტროს ინფორმაციაში.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),