საპარლამენტო უმრავლესობამ უნდა შეასრულოს დაპირება არა ჩვენთვის, არამედ საკუთარი მოქალაქეებისთვის,- ამის შესახებ ევროპარლამენტარმა, მარინა კალიურანდმა ევროპარლამენტში განაცხადა, სადაც საქართველოს მიერ 12 რეკომენდაციის შესრულებას განიხილავენ.

კალიურანდის თქმით, საქართველოს მოსახლეობის 89% მხარს უჭერს ევროკავშირში გაწევრიანების მიზანს და ამიტომ, მთავრობის მხრიდან „ისტორიული შანსი მალე უნდა იქნას გამოყენებული“.

„დარწმუნებული ვარ, რომ იცნობთ ევროპარლამენტის ორ რეზოლუციას მედიის თავისუფლებისა და ჟურნალისტების უსაფრთხოების დარღვევაზე საქართველოში და ყოფილი პრეზიდენტის, მიხეილ სააკაშვილის მდგომარეობაზე. საქართველოს მოსახლეობის უდიდესი ნაწილი, 89% მხარს უჭერს ევროკავშირში გაწევრიანების მიზანს და საპარლამენტო უმრავლესობამ უნდა შეასრულოს დაპირება არა ჩვენთვის, არამედ პირველ რიგში, საკუთარი მოქალაქეებისთვის. არსებობს უნიკალური შესაძლებლობების ფანჯარა და არ ვიცი, როდემდე იქნება ღია. შეიძლება, მალე დაიხუროს და ამიტომ, ისტორიული შანსი მალე უნდა იქნას გამოყენებული. ჩვენ არ ვცდილობთ მფარველობა გაგიწიოთ, ჩვენ ვართ მეგობრები და ვლაპარაკობთ, როგორც პარტნიორები“,- განაცხადა კალიურანდმა.

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს