"ქართული ოცნების" თავმჯდომარე ირაკლი კობახიძე იმედს გამოთქვამს, რომ საქართველოს პრეზიდენტი ევროპარლამენტში ქვეყნის მხარდამჭერ განცხადებებს გააკეთებს.

როგორც კობახიძემ მედიის წარმომადგენელებს უთხრა, "სამწუახრო იქნება, თუ სალომე ზურაბიშვილი ევროინტეგრაციის პროცესს დააზიანებს".

"დავიტოვებ იმედს, გვაქვს სურვილი, რომ ნებისმიერი თანამდებობის პირისგან, მით უმეტეს პრეზიდენტისგან მოვისმინოთ ქვეყნის მხარდამჭერი განცხადებები, მით უმეტეს მაღალი ტრიბუნიდან. დავიტოვოთ ამის იმედი და ვნახოთ, როგორი იქნება ამ შემთხვევაში განცხადებები. თუ გააკრიტიკებს ქვეყანას, თუ დააზიანებს ევროინტეგრაციის პროცესს, ეს იქნება ძალიან სამწუხარო",- განაცხადა კობახიძემ.

შეკითხვას, ევროპარლამენტში პრეზიდენტის კრიტიკის შემთხვევაში, რა ნაბიჯს გადადგამს მმართველი პოლიტიკური გუნდი, "ქართული ოცნების" თავმჯდომარემ ასე უპასუხა:

"მოვისმენთ და მოვიწყენთ".

შეგახსენებთ, საქართველოს პრეზიდენტი სალომე ზურაბიშვილი დღეს, 31 მაისს, 13-წლიანი პაუზის შემდეგ, ევროპარლამენტს მიმართავს.

ავტორი: ექსპრესნიუსი,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი