ავტორიტეტული ამერიკული გამოცემა POLITICO აქვეყნებს სტატიას სათაურით "ნატოს ასპირანტი ქვეყანა ნატოს ადანაშაულებს რუსეთის ომში უკრაინაში", სადაც წერს საქართველოს პრემიერ-მინისტრის გამოსვლაზე ბრატისლავაში GLOBSEC-ის ფორუმზე.

გამოცემა წერს, რომ ირაკლი ღარიბაშვილმა კრემლის განცხადებები გააჟღერა, სადაც უკრაინაში ომის დაწყების მიზეზები განმარტა. სტატიაში ნათქვამია, რომ საქართველოს მთავრობის მეთაურის ეს განცხადებები კიდევ ერთი ნიშანია იმისა, რომ თბილისი დასავლეთს შორდება.

„GLOBSEC გლობალური უსაფრთხოების ფორუმზე ირაკლი ღარიბაშვილმა განაცხადა, რომ „კონფლიქტის ერთ-ერთი მთავარი მიზეზი“ ნატოს გაფართოება იყო... უკრაინის სურვილი, გახდეს ნატოს წევრი. 2022 წლის თებერვალში, სანამ რუსეთის ფედერაციის პრეზიდენტი უკრაინაში სრულმასშტაბიანი შეჭრის ბრძანებას გასცემდა, დასავლეთის არმიების მიერ რუსეთის საზღვრების დარღვევა იყო პრეზიდენტ ვლადიმირ პუტინის ნარატივის მთავარი ნაწილი.

სტატიაში ნათქვამია, რომ 2008 წლის ომის შემდეგ ნატო საქართველოს ერთ-ერთი უახლოესი პარტნიორი გახდა. ამასთან, აღნიშნულია, რომ საქართველოს ალიანსში შესვლას მხარი ქვეყნის მოსახლეობის 77%-მა დაუჭირა.

POLITICO იუწყება, რომ რეფერენდუმის შემდეგ ნატოს განცხადებაში ნათქვამია, რომ საქართველო გახდება ალიანსის წევრი, თუმცა, სტატიის ავტორის თქმით, „ამის შემდეგ, საქართველოს ნატოში გაწევრიანებისკენ მიმავალი პროგრესი შეჩერდა“.

ავტორი: ექსპრესნიუსი,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი