2023-03-16 15:41:33, 911 ნახვა
პოლიტიკა
სააკაშვილი - მზად ვარ, სახალხო დამცველს შევხვდე
საქართველოს მესამე პრეზიდენტი მიხეილ სააკაშვილი სახალხო დამცველთან, ლევან იოსელიანთან შეხვედრის მზაობას გამოხატავს. ამის შესახებ ექსპრეზიდენტი სოციალურ ქსელში წერს.
სააკაშვილი იოსელიანს მასთან შეხვედრის სურვილისთვის მადლობას უხდის.
"მზად ვარ, სახალხო დამცველს შევხვდე უახლოეს დღეებში. სასურველია შაბათ-კვირას. მადლობა გამოთქმული სურვილისთვის", - წერს მესამე პრეზიდენტი "ფეისბუქის" გვერდზე.
ცნობისთვის, გუშინ, 15 მარტს ახლადარჩეულმა ომბუდსმენმა, ლევან იოსელიანმა განაცხადა, რომ სურვილის არსებობის შემთხვევაში, მზად არის, საქართველოს მესამე პრეზიდენტს შეხვდეს.
ავტორი: ექსპრესნიუსი,
epn.ge (@expressnews.ge)
