ჩრდილოატლანტიკური ხელშეკრულების ორგანიზაციის წევრი ქვეყნები შეთანხმდნენ, რომ უკრაინა გახდება ალიანსის წევრი, „მაგრამ ეს გრძელვადიანი პერსპექტივაა“.

როგორც ნატო-ს გენერალურმა მდივანმა, იენს სტოლტენბერგმა ფინეთის პრემიერ-მინისტრთან სანა მარინთან ერთობლივ პრესკონფერენციაზე განაცხადა, ნატო-ს მოკავშირეები, ისევე როგორც ორგანიზაციის პარტნიორები, უპრეცედენტო დონის სამხედრო მხარდაჭერას უწევენ უკრაინას.

"ნატო-ს მოკავშირეები შეთანხმდნენ, რომ უკრაინა გახდება ჩვენი ალიანსის წევრი, მაგრამ ამავდროულად, ეს არის გრძელვადიანი პერსპექტივა. ახლა საკითხია უზრუნველყოფილი იყოს უკრაინის, როგორც სუვერენული, დამოუკიდებელი სახელმწიფოს გამარჯვება. და ეს ნიშნავს, რომ საჭიროა უკრაინის მხარდაჭერა.

ჩვენ არ ვართ კონფლიქტის მხარეები, მაგრამ უნდა გვახსოვდეს, რა არის ეს. ეს არის დაპყრობითი ომი, რომელიც პრეზიდენტმა პუტინმა წამოიწყო უკრაინის წინააღმდეგ. უკრაინას აქვს საკუთარი თავის დაცვის უფლება. და ჩვენ გვაქვს უფლება დავეხმაროთ უკრაინას თავდაცვის უფლების დაცვაში“, - განაცხადა სტოლტენბერგმა.

სტოლტენბერგმა აღნიშნა, რომ ომის დასრულების შემდეგ უნდა იზრუნონ, რომ ასეთი ამბავი არ განმეორდეს და რუსეთის ფედერაცია უკრაინაში აღარ შეიჭრას.

„ახლა მნიშვნელოვანია უკრაინის მხარდაჭერა. ამ დროისთვის, ვერავინ იტყვის ზუსტად როდის დასრულდება ეს ომი, მაგრამ როდის დასრულდება ის, ჩვენ უნდა დავრწმუნდეთ, რომ ისტორია არ განმეორდეს და პრეზიდენტი პუტინი არ გააგრძელებს მეზობლებზე თავდასხმა. ჩვენ უნდა გავაძლიეროთ უკრაინის სამხედრო პოტენციალი, მაგრამ ასევე მოვძებნოთ მექანიზმები, რომლებიც გარანტიას მისცემს, რომ პრეზიდენტი პუტინი, რუსეთი აღარ შემოიჭრება უკრაინაში“, - განაცხადა ნატო-ს გენერალურმა მდივანმა.

მან ასევე ხაზგასმით აღნიშნა, რომ პუტინის "ომი" უკრაინის წინააღმდეგ გრძელდება და არ არსებობს ნიშნები, რომ ის ცვლის თავის გეგმებს - "მას სურს გააკონტროლოს უკრაინა და არ გეგმავს მშვიდობას, ის კიდევ უფრო მეტ ომს გეგმავს. ამიტომ ძალიან მნიშვნელოვანია, რომ ჩვენ მხარი დავუჭიროთ უკრაინას". 

ავტორი: ექსპრესნიუსი,

სოციალური ქსელები

პუტინის რეჟიმმა სუმს დაარტყა გარდაიცვალა 4 ადამიანი მათ შორის ბავშვი, დაიჭრნენ ბავშვები

ზელენსკი: ნიდერლანდები დათანხმდა სპეციალური ტრიბუნალის შექმნას რუსეთის აგრესიის გამოსაძიებლად

ტეილორ სვიფტი და ტრევის კილსი დაქორწინდნენ: ახალი ერა ამერიკის „სამეფო წყვილისთვის“ დაიწყო

პუტინი: კონსტანტინოვკას განთავისუფლებას სტრატეგიული მნიშვნელობა აქვს დემოკრატიული რესპუბლიკისთვის