რუსეთში უკრაინასთან ომის წლისთავზე გამართულ ანტისაომარ აქციებზე სულ მცირე 54 ადამიანი დააკავეს. ამის შესახებ "OVD-Info" იუწყება.

ხალხი ომის საწინააღმდეგო პიკეტებისთვის, ყვავილების დაგებისთვის, ერთ-ერთი აქტივისტი თოვლში წერისთვის დააკავეს. პეტერბურგში დაკავებულთა უმეტესობა - 18 ადამიანი. კიდევ 11 ადამიანი დააკავეს ეკატერინბურგში, შვიდი მოსკოვში, ოთხი ნიჟნი ნოვგოროდსა და ბარნაულში.

მთლიანობაში, დაკავებები 14 ქალაქში მოხდა.

დაკავებულთა უმეტესობა განყოფილებებიდან გაათავისუფლეს. პოლიციამ გამოსცა ოქმები პოლიციელებისადმი დაუმორჩილებლობის, ჯარის „დისკრედიტაციის“ და კოვიდ შეზღუდვის დარღვევის შესახებ. ზოგიერთი დაკავებული ოქმის შედგენის გარეშე გაათავისუფლეს.

ერთი წლის წინ - 2022 წლის 24 თებერვალს რუსეთმა უკრაინაში სრულმასშტაბიანი ომი წამოიწყო. ორი დღით ადრე, 22 თებერვალს მოსკოვმა მის მიერ მხარდაჭერილი დონეცკისა და ლუგანსკის ე.წ. სახალხო რესპუბლიკების დამოუკიდებლობა ცნო და უკრაინაში შეჭრას „სამხედრო ოპერაცია“ უწოდა.  

უკრაინაში საგანგებო მდგომარეობაა გამოცხადდა და საჰაერო სივრცე ჩაიკეტა. რუსი ოკუპანტები უკრაინას სხვადასხვა მიმართულებიდან უტევენ. თავს ესხმიან მშვიდობიან მოქალაქეებს და სტრატეგიულ სამხედრო ობიექტებს, ანადგურებენ კრიტიკულ ინფრასტრუქტურას. 

ავტორი: ექსპრესნიუსი,

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა