რუსეთის სასამართლომ RusNews-ის ჟურნალისტსა და აქტივისტს, მარია პონომარენკოს 6 წლით პატიმრობა მიუსაჯა. აღნიშნულის შესახებ ინფორმაციას BBC-ი ავრცელებს.

BBC-ის ცნობით, სასამართლომ პონომარენკო რუსეთის შეიარაღებული ძალების შესახებ ყალბი ინფორმაციის გავრცელებაში დამნაშავედ ცნო.

გარდა ამისა, პონომარენკოს ასევე აეკრძალა 5 წლის განმავლობაში ინტერნეტის საჯარო აქტივობებში მონაწილეობა.

პროკურატურის ცნობით, პონომარენკომ "No Censorship"-ის Telegram არხზე დაწერა მარიუპოლის მაცხოვრებლებზე, რომლებიც რუსეთის მიერ ქალაქის თეატრის დაბომბვის შედეგად დაიღუპნენ, რის გამოც, პროკურატურა პონომარენკოსთვის 9 წლით თავისუფლების აღკვეთას ითხოვდა.

ცნობისთვის, მარია პონომარენკო 2022 წლის აპრილში დააკავეს და წინასწარი დაკავების იზოლატორში მოათავსეს, ხოლო ნოემბერში შინაპატიმრობით გაათავისუფლეს. ამასთან, იანვრის ბოლოს ცნობილი გახდა, რომ პონომარენკო კვლავ იზოლატორში გადაიყვანეს.

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა