2023-02-12 14:39:01, 1095 ნახვა

---

პოდოლიაკი - საქართველო აგრძელებს სააკაშვილის მკვლელობას - ასეთი მნიშვნელოვანია პუტინისთვის „სასიკვდილო საჩუქრის“ მიცემა?

საქართველო აგრძელებს სააკაშვილის მკვლელობას, - ასე ეხმაურება უკრაინის პრეზიდენტის მრჩეველი მიხაილო პოდოლიაკი კლინიკა  "ვივამედიდან" CNN-ის მიერ გავრცელებულ კადრებს.

პოდოლიაკი Twitter-ზე წერს, რომ "ეს საქართველოს ევროპულ პერსპექტივებს აფერხებს".

"საქართველო აგრძელებს ექსპრეზიდენტ სააკაშვილის მკვლელობას. ეს უდაოდ აფერხებს საქართველოს ევროპულ პერსპეტივებს. ასეთი მიმზიდველია რუსული (საბჭოთა კავშირი 2) ბანაკი? ასეთი მნიშვნელოვანია "სასიკვდილო საჩუქრის" მიცემა პუტინისთვის, რომელიც მაინც წააგებს? ან ქვეყანას ჰქონდეს ისეთი რეპუტაცია, რომელმაც პრეზიდენტი აწამა?" - წერს პოდოლიაკი.

შეგახსენებთ, გუშინ, 11 თებერვალს CNN-მა მიხეილ სააკაშვილის "ვივამედში" გადაღებული კადრები გამოაქვეყნა. კადრებში, რომელიც CNN-ს ექსპრეზიდენტის ამერიკელმა ადვოკატმა, მასიმო დანჯელომ მიაწოდა და რომელიც 2022 წლის 6 ოქტომბრით თარიღდება, მესამე პრეზიდენტის გონების კარგვის ეპიზოდი ჩანს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი