2023-01-06 10:26:20, 1894 ნახვა
მსოფლიო
3 დღე, 11 ხმა - აშშ-ის წარმომადგენელთა პალატამ სპიკერი ისევ ვერ აირჩია
აშშ-ის წარმომადგენელთა პალატის "რესპუბლიკელმა" ლიდერმა, კევინ მაკკარტიმ სპიკერობისთვის საჭირო 218 ხმა კენჭისყრის მესამე დღესაც ვერ მოაგროვა. ამის შესახებ ინფორმაციას BBC ავრცელებს.
გამოცემის ცნობით, ეს ამერიკის შეერთებული შტატების წარმომადგენელთა პალატის სპიკერის არჩევის მე-11 უშედეგო მცდელობაა.
აღსანიშნავია, რომ კევინ მაკკარტის არჩევას სწორედ 20 “რესპუბლიკელი” დეპუტატი უშლის ხელს, რადგან ისინი სკეპტიკურად უყურებენ კალიფორნიის კონგრესმენის კონსერვატიულ “კეთილსინდისიერებას”.
ცნობისთვის, “რესპუბლიკელებმა” ნოემბრის შუალედური არჩევნების შედეგად წარმომადგენელთა პალატაში უმრავლესობა მოიპოვეს, თუმცა შექმნილი ჩიხის გამო პალატას წევრების ფიცის დადება და კანონპროექტების მიღება ვერ ხერხდება.
ავტორი: ექსპრესნიუსი,
epn.ge (@expressnews.ge)
