მინდა წაგიკითხოთ ეს წერილი, რომ გაიგოთ, რამდენად საგანგაშო სიტუაცია, - საქართველოს მესამე პრეზიდენტმა, მიხეილ სააკაშვილმა დმიტრი გორდონს წერილი გაუგზავნა, რომელსაც უკრაინელი ჟურნალისტი Youtube-ზე გამოეხმაურა.

წერილში მიხეილ სააკაშვილი წერს, რომ ციხეში მოწამლეს და მკურნალობის გარეშე სიკვდილი გარდაუვალი იქნება - "მაღალი რანგის ამერიკელი ტოქსიკოლოგები უტყუარად ამტკიცებენ, რომ მე მომწამლეს ციხეში შხამიანი ნივთიერებების მინარევით, რასაც უნდა მოვეკალი. დავკარგე გონება, მაგრამ არ მოვკვდი, თუმცა დამრჩა უამრავი სიმპტომი. მკურნალობის გარეშე სიკვდილი გარდაუვალი იქნება. მადლობელი ვიქნები, თუ ამ საკითხით დაინტერესდები".

დმიტრი გორდონი მოუწოდებს ყველას, ვისაც შეიძლება მიხეილ სააკაშვილის სიცოცხლე ეხებოდეს, რომ დაეხმარონ მას და გადაიყვანონ სამკურნალოდ ევროპის ნებისმიერ ქვეყანაში ან შეერთებულ შტატებში. 

"მთელი მსოფლიო გასაგონად მინდა ვთქვა, რომ გამოჩენილი ქართველი პრეზიდენტი, ავტორი უმნიშვნელოვანესი რეფორმებისა, მიხეილ სააკაშვილი იტანჯება ციხეში და სიკვდილის ზღვარზე იმყოფება. ყველას ვთხოვ, ვისზეც არის დამოკიდებული, უშველეთ უკრაინის მოქალაქე მიხეილ სააკაშვილს, გადაიყვანეთ სამკურნალოდ ევროპის ნებისმიერ ქვეყანაში ან აშშ-ში. აუცილებელია ამ ადამიანის გადარჩენა. უთხარით მთელ მსოფლიოს, რომ საქართველოს გამოჩენილი პრეზიდენტი, მიხეილ სააკაშვილი დღეს ციხეში იწვება და სიკვდილის პირას დგას, თუ მსოფლიო არ გადაარჩენს სააკაშვილს, მსოფლიო ამას ინანებს“, - განაცხადა გორდონმა. 

გორდონი ასევე აფასებს ექსპრეზიდენტის მმართველობის პერიოდს და ამბობს, რომ "როდესაც სააკაშვილი საქართველოს ხელისუფლებაში მოვიდა, ამ ქვეყანამ უზარმაზარი სისწრაფით დაიწყო ცვლილება და სულ რამდენიმე წელიწადში ყველამ ნახა ტრანსფორმაცია". 

ცნობილი უკრაინელი ჟურნალისტი გადაცემაში ახსენებს ბიძინა ივანიშვილსაც, როგორც "პუტინის მეგობარ ოლიგარქს, რომელმაც დიდი ფული ჩადო გამარჯვებაში". 

ავტორი: ექსპრესნიუსი,

სოციალური ქსელები

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი

ქუთაისში, იოსელიანის ქუჩაზე ხარაჩო ჩამოიშალა და მუშა მოიყოლა, ის გარდაიცვალა