კოლუმბიის ჩრდილო-დასავლეთით მდებარე პროვინციაში მეწყერმა მგზავრებით სავსე ავტობუსი მოიყოლა. Reuters-ის ცნობით, შემთხვევის შედეგად სულ მცირე 34 ადამიანი დაიღუპა. 

ქვეყნის კატასტროფების მართვის ეროვნული სააგენტოს ინფორმაციით, მაშველებმა 9 მგზავრის, მათ შორის 7 წლის გოგონას გადარჩენა მოახერხეს.

სტიქიის ზონაში, რომელიც დედაქალაქ ბოგოტადან 230 კმ-ის დაშორებით მდებარეობს, სამაშველო ღონისძიებები გრძელდება.

ძლიერი წვიმის შედეგად გამოწვეულ მეწყერს პრეზიდენტმა, გუსტავო პეტრომ ტრაგედია უწოდა. 

"სოლიდარობა მსხვერპლთა ოჯახებს", - დაწერა პეტრომ Twitter-ზე.

როგორც Reuters-ი წერს, კოლუმბიაში მთიანი რელიეფისა და ძლიერი წვიმების გამო, მეწყერი ხშირად ხდება.

მთავრობის სტატისტიკის მიხედვით, 2022 წელს, ძლიერ წვიმასთან დაკავშირებულ მოვლენებს 216-ზე მეტი ადამიანი ემსხვერპლა, 538 000 კი თავშესაფრის გარეშე დარჩა. 2017 წელს, ქალაქ მოკოაში მეწყერის შედეგად 320-ზე მეტი ადამიანი დაიღუპა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს