ჩინეთი უკრაინასა და რუსეთს მოუწოდებს, რაც შეიძლება მალე დაიწყონ სამშვიდობო მოლაპარაკებები, რათა თავიდან აიცილონ ომის ესკალაცია და ბირთვული კრიზისი.

როგორც გაეროში ჩინეთის მუდმივი წარმომადგენლის მოადგილემ, გენგ შუანგიმ უშიშროების საბჭოს სხდომაზე აღნიშნა, საერთაშორისო თანამეგობრობამ ამაში თავისი წვლილი უნდა შეიტანოს.

 "დიალოგი და მოლაპარაკება არის ერთადერთი გზა. მხარეებმა უნდა დაიწყონ პირდაპირი ურთიერთქმედება, დაუბრუნდნენ დიპლომატიურ მოლაპარაკებებს რაც შეიძლება მალე. ჩვენ კიდევ ერთხელ მოვუწოდებთ მხარეებს, გამოიჩინონ თავშეკავება, რათა მათმა ქმედებებმა არ გააძლიეროს დაპირისპირება და ასევე, თავიდან აიცილონ ეს დაპირისპირება“, - განაცხადა ჩინეთის სახალხო რესპუბლიკის წარმომადგენელმა.

5 ნოემბერს ჩინეთის ლიდერმა სი ძინპინმა დაადასტურა პეკინის პოზიცია, რომლის მიხედვითაც, უკრაინაში ომის დასასრულებლად სამშვიდობო მოლაპარაკებები აუცილებელია. გარდა ამისა, კვლავ არ დაგმო რუსეთის სამხედრო შეჭრა.

გაეროს გენერალურმა ასამბლეამ რიგგარეშე სესიაზე  მიიღო რეზოლუცია , რომელიც მოუწოდებს რუსეთს აანაზღაუროს სრულმასშტაბიანი აგრესიით მიყენებული ზიანი. ჩინეთი იყო 14 ქვეყანას შორის, რუსეთთან ერთად, რომლებმაც მხარი არ დაუჭირა რეზოლუციას.

ავტორი: ექსპრესნიუსი,

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.