მტერმა ჩვენი მოქალაქეების წინააღმდეგ 63 რაკეტა ისროლა. - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

მისივე თქმით, უკრაინა ყველაფერს გადალახავს.

"დღეს ევროპარლამენტმა რუსეთი ტერორისტ სახელმწიფოდ აღიარა. დიდი მადლობა ევროპარლამენტარებს. კენჭისყრის შემდეგ რუსეთმა ყველას დაუმტკიცა, რომ მიღებული გადაწყვეტილება სამართლიანი იყო.
მტერმა ჩვენი ინფრასტრუქტურის, ენერგობლოკებისა და მშვიდობიანი მოქალაქეების წინააღმდეგ 63 რაკეტა ისროლა. ტრაგიკული შედეგები მივიღეთ. ბევრი დაჭრილი გვყავს. დაღუპულებიც არიან. ვუსამძიმრებ მათ ოჯახებს.
რაც შეეხება ელექტროენერგიისა და წყლის მიწოდებას, ვმუშაობთ, რომ მალე აღვადგინოთ. ყველაფერს განვაახლებთ და ყველაფერს გადავლახავთ, რადგან ჩვენ გაუტეხელი ერი ვართ". - ნათქვამია განცხადებაში.

10 ოქტომბრიდან რუსეთის თავდაცვის სამინისტრო რეგულარულად ახორციელებს სარაკეტო თავდასხმებს უკრაინაში სამხედრო და ენერგეტიკულ ობიექტებზე და ამას უწოდებს პასუხს 8 ოქტომბერს ქერჩის სრუტეში ყირიმის ხიდზე მომხდარ აფეთქებაზე.

როგორც უკრაინის ხელისუფლებამ განაცხადა, 15 ნოემბერს რუსეთმა ომის დაწყების შემდეგ ყველაზე მასიური დარტყმა მიაყენა ქვეყნის ენერგეტიკულ სექტორს. უკრაინაში დაბომბვის ფონზე მოძრავი ჩაქრობა მიმდინარეობს. რუსეთის ფედერაციის პრეზიდენტის პრესმდივანმა დიმიტრი პესკოვმა უკრაინის ბევრ რეგიონში ელექტროენერგიის და სითბოს ნაკლებობა უწოდა კიევის ხელისუფლების ქმედებების შედეგი, მათ შორის მოლაპარაკებებზე უარს.

ავტორი: ექსპრესნიუსი,

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.