საქართველოს მესამე პრეზიდენტის ადვოკატის, შალვა ხაჭაპურიძის განცხადებით, მიხეილ სააკაშვილს მარცხენა ხელი ატროფირებული აქვს და ძნელად ამოძრავებს.

მისი თქმით, ექსპრეზიდენტს გაუსაძლისი ტკივილები აქვს, რის გამოც, გამაყუჩებლებს აძლევდნენ, ახლა კი გამოკვლევაც დაიწყო.

"ჯერ ვერც ადასტურებენ და ვერც უარყოფენ ტუბერკულოზის არსებობის საკითხს. მარცხენა ხელი ატროფირებული აქვს, ძნელად ამოძრავებს. პრობლემები აქვს და გაუსაძლისი ტკივილები. გამაყუჩებლებს აძლევდნენ, ახლა კი დაიწყო კვლევა. დაველოდოთ შედეგებს",- ამბობს ხაჭაპურიძე.

ცნობისთვის, 8 ნოემბერს, საქართველოს მესამე პრეზიდენტის ადვოკატმა განაცხადა, რომ მიხეილ სააკაშვილს დემენცია და ტუბერკულოზი დაუდგინდა. მისი თქმით, მიხეილ სააკაშვილი საქართველოში ტუბერკულოზით არ შემოსულა, თუმცა დიაგნოზი გერმანელმა ექსპერტებმა დაუსვეს. აღნიშნული დიაგნოზი ჯერჯერობით ოფიციალურად დადასტურებული არ არის. 

დღეს, საქართველოს ყოფილი პრეზიდენტის, მიხეილ სააკაშვილის ჯანმრთელობის მდგომარეობის გამოსაკვლევად ბრიტანეთიდან მოწვეული ფსიქიატრი, კორნელიუს კატონა ჩამოვა. 

ავტორი: ექსპრესნიუსი,

სოციალური ქსელები

პაპუაშვილი: ევროკავშირს აღარ აქვს ფუფუნება, საკუთარ თავს კვლავ ექსკლუზიურ კლუბად აღიქვამდეს

დეპარტამენტი: ავტობანის ლანჩხუთი-ლესას მონაკვეთი 9 ივლისამდე ჩაიკეტება

უკრაინის გენშტაბი რუსეთში დაბომბილი სტრატეგიული ობიექტების შესახებ ინფორმაციას ავრცელებს

TV Pirveli: ტერიტორია, სადაც მიწა ჩამოიშალა ჯუანშერ ბურჭულაძის ოჯახს ეკუთვნის