შინაგან საქმეთა სამინისტრომ დააკავა მამაკაცი, რომელმაც ურთიერთშელაპარაკების ნიადაგზე და მოკლა. 

შემთხვევა სიღნაღის მუნიციპალიტეტის სოფელ საქობოში მოხდა. ქალი 34 წლის იყო. 

როგორც ადგილობრივები ჟურნალისტებთან საუბრისას ჰყვებიან, ქალი ორ ძმასთან ერთად სტუმრად იმყოფებოდა, სახლში დაბრუნებისას კი, ალკოჰოლური ზემოქმედების ქვეშ მყოფ ძმებს ურთიერთშელაპარაკება მოუვიდათ. 

გაშველების მცდელობისას, ერთ-ერთმა ძმამ ბლაგვი საგნით ქალს სხეულზე მძიმე დაზიანება მიაყენა, რამაც სიცოცხლის მოსპობა გამოიწვია.

"იქეიფეს და მერე მანქანაში გოგო ყვიროდა - მიშველეთო და სხვა რა მოხდა არ ვიცი. ამბობენ, თავში ჩაარტყაო", - ამბობს ადგილობრივი. 

შინაგან საქმეთა სამინისტრომ გამოძიება საქართველოს სისხლის სამართლის კოდექსის 11 პრიმა-117-ე მუხლის მე-4 ნაწილით დაიწყო, რაც ოჯახის წევრის მიმართ ჩადენილ ჯანმრთელობის განზრახ მძიმე დაზიანებას გულისხმობს. 

ბრალის დამტკიცების შემთხვევაში, დანაშაული 10-დან 14 წლამდე თავისუფლების აღკვეთას ითვალისწინებს.

ავტორი: ექსპრესნიუსი,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.