2022-10-17 21:47:33, 1277 ნახვა
პოლიტიკა
ფაშინიანი - აზერბაიჯანი ეძებს მიზეზს სომხეთის წინააღმდეგ ახალი სამხედრო აგრესიის დასაწყებად
აზერბაიჯანი ეძებს მიზეზს სომხეთის წინააღმდეგ ახალი სამხედრო აგრესიის დასაწყებად.– ამის შესახებ სომხეთის პრემიერ-მინისტრმა, ნიკოლ ფაშინიანმა განაცხადა
მისივე თქმით, ცეცხლის შეწყვეტის რეჟიმის შესანარჩუნებლად და საზღვრის უსაფრთხოების უზრუნველსაყოფად საჭიროა მუდმივი საერთაშორისო მექანიზმი.
„აზერბაიჯანი განუწყვეტლივ მიაწერს ცეცხლის შეწყვეტის თავის დარღვევებს სომხეთს. ცხადია, ეს არის სომხეთის წინააღმდეგ ახალი სამხედრო აგრესიის საბაბი. ცეცხლის შეწყვეტის რეჟიმის შესანარჩუნებლად და საზღვრის უსაფრთხოების უზრუნველსაყოფად საჭიროა მუდმივი საერთაშორისო მექანიზმი“. - ნათქვამია განცხადებაში.
შეგახსენებთ, რომ თურქეთის პრეზიდენტი რეჯეფ თაიფ ერდოღანი 20 ოქტომბერს აზერბაიჯანში ჩავა.
ავტორი: ექსპრესნიუსი,
epn.ge (@expressnews.ge)
