2022-10-08 12:21:19, 1219 ნახვა
პოლიტიკა
პესკოვი - შეიქმნება სამთავრობო კომისია, რომელიც ყირიმის ხიდზე მომხდარ ფაქტს შეისწავლის
პუტინმა ყირიმის ხიდზე მომხდარი ფაქტის გამო გამოძიების დაწყების ბრძანება გასცა. - ამის შესახებ რუსეთის პრეზიდენტის, ვლადიმერ პუტინის პრესსპიკერმა, დიმიტრი პესკოვმა განაცხადა.
მისივე თქმით, შეიქმნება სამთავრობო კომისია, რომელიც მომხდარის მიზეზებს გაარკვევს და შედეგების აღმოფხვრაზე იზრუნებს.
"მომხდარის შესახებ ვლადიმერ პუტინმა მიიღო მოხსენებები პრემიერ-მინისტრისგან, საგანგებო სიტუაციების სამინისტროს ხელმძღვანელებისგან და ძალოვანი სტრუქტურების ხელმძღვანელებისგან და დაავალა შეიქმნას სამთავრობო კომისია მომხდარის მიზეზების გასარკვევად და შედეგების აღმოსაფხვრელად". - ნათქვამია განცხადებაში.
შეგახსენებთ, რომ ყირიმის ხიდზე ძლიერი ხანძარია, საწვავის ავზი ყირიმის ხიდზე დღეს დილით აფეთქდა.
ავტორი: ექსპრესნიუსი,
epn.ge (@expressnews.ge)
