ხარკოვის რეგიონის დეოკუპირებულ იზიუმში დაღუპულთა რაოდენობამ, შესაძლოა, გადააჭარბოს ბუჩას ტრაგედიას, - ამის შესახებ სპეციალურ ვითარებაში გაუჩინარებულ პირთა საკითხთა კომისარმა, ოლეგ კოტენკომ განაცხადა. 

როგორც უკრაინის ინტეგრაციის სამინისტროში იტყობინება , ცხედრების ექსჰუმაცია მასობრივ სამარხებზე იზიუმში კოტენკოს ხელმძღვანელობით დაღუპულთა ძებნის ოპერაციის ფარგლებში დაიწყო.

„ამჟამად სამხედრო მოსამსახურეების ცხედრების ექსჰუმაციაზე ვმუშაობთ. გარდაცვლილის იდენტიფიცირებისთვის ცხედრები ექსპერტებს გადაეცემათ. სამწუხაროდ, ეს მხოლოდ ჩვენი აქ მუშაობის დასაწყისია, კიდევ რამდენი ადგილი იქნება დეოკუპირებულ ტერიტორიებზე, ჯერჯერობით უცნობია, მაგრამ მკაცრი რეალობა იმაზე მეტყველებს, რომ იზიუმში დაღუპულთა რიცხვი შეიძლება ბევრჯერ აღემატებოდეს ბუჩას ტრაგედიას . ", - ნათქვამია უწყების ოფიციალურ განცხადებაში.

გარდა ამისა, როგორც გამოცემა  Reuters-ი კორესპონდენტები იტყობინებიან, მასობრივ საფლავში აღმოჩენილი ცხედრების ნაწილს ყელზე თოკი აქვს მოხვეული, ხელები კი შეკრული, რაც იმაზე მეტყველებს, რომ ყველა მათგანი დაბომბვისა და ავიაიერიშების შედეგად არ დაღუპულა.

შეგახსენებთ, რომ იზიუმში, საიდანაც რუსული არმია გაიქცა, 440-ზე მეტი ცხედრის მასიური საფლავები აღმოაჩინეს.

ავტორი: ექსპრესნიუსი,

სოციალური ქსელები

საქართველოს ბანკის 29-ე თანამედროვე ბიბლიოთეკა სოფელ ჭვანის საჯარო სკოლაში გაიხსნა

მოსკოვის მერის თქმით, რუსეთის დედაქალაქზე დრონებით იერიში მიიტანეს

რუტემ სამხედრო შესყიდვებისთვის ნატოს „ერთიანი ფანჯრის“ შექმნის შესახებ განაცხადა

„ბლუმბერგი“: ევროპა არ ელის, რომ ტრამპი რუსეთის წინააღმდეგ ახალ სანქციებს დააწესებს ან უკრაინას დახმარებას გაუწევს