დღეს საფრანგეთი  ემზადება სიცხის პიკისთვის, რომელმაც უკვე მოიცვა მთელი ქვეყანა. ტყის ხანძრები კვლავ მძვინვარებს მთელს ევროპაში.

სინოპტიკოსებმა საფრანგეთის 15 რეგიონში საგანგებო მდგომარეობა გამოაცხადეს ექსტრემალური ტემპერატურის გამო. მეხანძრეები კვირას სამხრეთ-დასავლეთ ევროპაში ხანძრების შესაკავებლად იბრძოდნენ.   ტემპერატურა არ იკლებს ბრიტანეთში, სადაც სიცხე კიდევ რამდენიმე დღე გაგრძელდება.

საფრანგეთში, საბერძნეთში, პორტუგალიასა და ესპანეთში ხანძარმა ათასობით ჰექტარი მიწა გაანადგურა, ათასობით მაცხოვრებელსა და ტურისტს კი ტერიტორიის დატოვება აიძულა.

ეს არის მაღალი ტემპერატურის მეორე  ტალღა, რომელმაც მოიცვა ევროპის ნაწილი ბოლო კვირის განმავლობაში. მეცნიერები კლიმატის ცვლილებაზე საუბრობენ და პროგნოზირებენ ექსტრემალური ამინდის უფრო ხშირ და ინტენსიურ ეპიზოდებს, როგორიცაა სიცხე და გვალვა.

ხელისუფლება იტყობინება, რომ  ესპანეთში დაახლოებით 20 ტყის ხანძარი კვლავ უკონტროლოა ქვეყნის სხვადასხვა ნაწილში სამხრეთიდან გალიციამდე შორეულ ჩრდილო-დასავლეთში, სადაც ხანძრებმა გაანადგურა დაახლოებით 4500 ჰექტარი მიწა.

გასულ კვირას ხანძრებს შეეწირა სასწრაფო დახმარების რამდენიმე თანამშრომელი.
ხანძარი პარასკევს დაიწყო მაიასის მთიანეთში, სამხრეთ სანაპირო ქალაქ მალაგადან, დაახლოებით 3000 ადამიანი უსაფრთხო ადგილას გადაიყვანეს.

ავტორი: ექსპრესნიუსი,

სოციალური ქსელები

უკრაინის შეიარაღებულმა ძალებმა ტვერისა და სტავროპოლში ნავთობის საწყობები დაბომბეს

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა