ქართველების ნება მტკიცეა, ამაზე რეფორმები უნდა დაშენდეს - თქვა საფრანგეთის პრეზიდენტმა, ემანუელ მაკრონმა ევროკავშირის საბოლოო გადაწყვეტილების შემდეგ გამართულ პრესკონფერენციაზე.
"იმაზე, თუ რა არის საქართველოსთვის კანდიდატი ქვეყნის სტატუსის მინიჭებისთვის, ქალბატონმა პრეზიდენტმა უკვე აღნიშნა და მას ვეთანხმები, თუმცა, ვფიქრობ, ჩვენ ყველამ დავინახეთ, თუ რამდენად მტკიცე და აშკარაა ქართველების ნება. ეს არის ის საფუძველი, რომელზეც რეფორმები უნდა დაშენდეს." - განაცხადა საფრანგეთის პრეზიდენტმა.

ბრიუსელში დაწყებული ევროკავშირის სამიტზე უკრაინამ და მოლდოვამ ოფიციალურად მიიღეს ევროკავშირის წევრობის კანდიდატი ქვეყნების სტატუსი. ევროპული საბჭოს ხელმძღვანელმა, შალე მიშელმა გადაწყვეტილებას "ისტორიული მომენტი" უწოდა. ამგვარად, ევროკავშირის სახელმწიფოთა და მთავრობათა მეთაურებმა მხარდაჭერა გამოუცხადეს კიევს და კიშინოვს.
ამასთან,  ევროკავშირის საბჭომ მიიღო გადაწყვეტილება, აღიაროს საქართველოს ევროპული პერსპექტივა და მზადაა კანდიდატის სტატუსი მიანიჭოს, როგორც კი დასახული პრიორიტეტები შესრულდება.

ავტორი: ექსპრესნიუსი,

სოციალური ქსელები

ქეთი დუმბაძე ონისე ოქრიაშვილზე ფიზიკურ თავდასხმაზე - ძალიან შევწუხდი და განვიცდი

ნოდარ დუმბაძის შვილიშვილი - ბაბუაჩემის სახელით ადამიანის ცემა ან პროვოკატორის ნახელავი უნდა იყოს, ან იდიოტის

შსს - ონისე ოქრიაშვილზე თავდამსხმელი პოლიციაში გამოცხადდა და იკითხება

Freedom House - სანაიას დაპატიმრება Facebook-ზე გამოქვეყნებული პოსტის გამო გამოხატვის თავისუფლების აშკარა დარღვევაა