საქართველოში ანტიტერორისტული, ანტიკრიმინალური სპეცოპერაციის დაწყების აუცილებლობა არ არსებობს,-ამის შესახებ შინაგან საქმეთა მინისტრმა ვახტანგ გომელაურმა საპარლამენტო უმრავლესობის წევრის ნუკრი ქანთარიას განცხადებასთან დაკავშირებით დასმულ კითხვაზე საპასუხოდ ჟურნალისტებს განუცხადა.

როგორც გომელაურმა აღნიშნა, ქვეყანაში სიტუაცია კონტროლს ექვემდებარება.

"ერთი და იგეივე კითხვები მოდის ხოლმე სხვადასხვა ფორმატით, პასუხი გავეცი.არ არ არსებობს ქვეყანაში ასეთი სპეცოპერაციის დაწყების საჭიროება. უბრალოდ პრევენციებს ვაკეთებთ, თუ რამე ისეთი ინფორმაცია  შემოვა, მასშტაბური რაღაც დაიგეგმება,  საზოგადოება ამას გაიგებს. ისეთი ამჯერად არაფერი ხდება. პანიკის საფუძველი არ არსებობს. სიტუაცია კონტროლს ექვემდებარება და პრევენციულ ზომებს ვიღებთ. მე არ მიხსენებია "ნაციონალური მოძრაობა". არის სხვადასხვა ძალები მსოფლიოში,  რომლებსაც სურთ არეულობა  არა მარტო საქართველოში,  არამედ მსოფლიოში",-აღნიშნა ვახტანგ გომელაურმა.

შეგახსენებთ, საპარლამენტო უმრავლესობის წევრმა ნუკრი  ქანთარიამ  შინაგან საქმეთა მინისტრს მიმართა, აუცილებლად დაიწყოს ანტიტერორისტული, ანტიკრიმინალური პრევენციული ღონისძიებები, რადგან ერთის მხრივ, ბიძინა  ივანიშვილის დისკრედიტაციისთვის მიზანმიმართული კამპანია მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სააკაშვილი პატრიარქ შიო III-ს მოუწოდებს, ხელი შეუწყოს რუსული გავლენებისა და ნარატივების აღმოფხვრას

შიო III-ეს არის დიდი პატივიც და მძიმე ჯვარი

მიტროპოლიტი ისაია - მთავარი პრიორიტეტია საქართველოსთვის ზრუნვა, ვფიქრობ, ამ საქმეში პატრიარქი მარტო არ იქნება

კობახიძე - დღეს ჩვენი ეროვნული და სულიერი ცხოვრების ისტორიული ფურცელი გადაიშალა