ჩვენ ახლა ვმუშაობთ, თუ როგორ შეგვიძლია მეტი მხარდაჭერის აღმოჩენა და საქართველოსთან ჩვენი პარტნიორობის კიდევ უფრო გაძლიერება,- განაცხადა ნატო-ს გენერალურმა მდივანმა, იენს სტოლტენბერგმა თავდაცვის მინისტრ ჯუანშერ ბურჭულაძესთან შეხვედრის შემდეგ.

მისივე თქმით, საქართველოს მიმართ დამოკიდებულება ბუქარესტის სამიტის შემდეგ არ შეცვლილა. 

"შევხვდი საქართველოს თავდაცვის მინისტრს. ის მონაწილეობდა გუშინდელი საღამოს შეხვედრაზე. პარტნიორებმა და პირადად მე ხაზი გავუსვით იმ მოკავშირეების პოლიტიკური და პრაქტიკული მხარდაჭერის გაძლიერების საჭიროებას, რომლებიც რუსეთის ჩარევის წინაშე დაუცველები არიან. რა თქმა უნდა, საქართველო მათ შორისაა, რადგან საქართველომ მოსკოვის მხრიდან სამხედრო ინტერვენციის შედეგები 2008 წელს უკვე განიცადა. შესაბამისად, ჩვენ ახლა ვმუშაობთ, თუ როგორ შეგვიძლია მეტი მხარდაჭერის აღმოჩენა და საქართველოსთან ჩვენი პარტნიორობის კიდევ უფრო გაძლიერება"-განაცხადა ნატო-ს გენერალურმა მდივანმა, იენს სტოლტენბერგმა.

ბურჭულაძემ ოთხშაბათს პირველად მიიღო მონაწილეობა ბრიუსელში ნატო-ს რამშტეინის ფორმატის შეხვედრაში, სადაც განიხილეს სტრატეგიები და ინიციატივები, რათა დაეხმაროს უკრაინას რუსული შეტევების წინააღმდეგ ბრძოლაში.საქართველო შეუერთდა უკრაინის თავდაცვის საკონტაქტო ჯგუფს აშშ-ს თავდაცვის დეპარტამენტის მოწვევით, ბურჭულაძე ასევე აპირებს შეხვედრებს თავის უცხოელ კოლეგებთან ბრიუსელში.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს