რუსეთის პრეზიდენტმა ვლადიმერ პუტინმა საპასუხო სანქციების შესახებ განკარგულებას ხელი მოაწერა,- აღნიშნულის შესახებ ინფორმაციას BBC ავრცელებს.

განკარგულების თანახმად, აღნიშნული ზომები მიიღება ქვეყნის ეროვნული ინტერესების დასაცავად უცხო სახელმწიფოებისა და საერთაშორისო ორგანიზაციების არამეგობრული და საერთაშორისო სამართლის საწინააღმდეგო ქმედებებთან დაკავშირებით, რომლებიც მიმართულია უკანონო შეზღუდვისკენ, ან რუსეთის ფედერაციის მოქალაქეებისა და  იურიდიული პირების საკუთრების უფლების ჩამორთმევასთან.

გარდა ამისა, სახელმწიფო ორგანოებს, მუნიციპალურ ხელისუფლებას, აგრეთვე რუსეთის იურისდიქციის ქვეშ მყოფ ორგანიზაციებსა და პირებს ეკრძალებათ:

• განახორციელონ ტრანზაქციები რუსეთის სანქციების ქვეშ მყოფი ფიზიკური პირებისა და კომპანიების სასარგებლოდ.
• შეასრულოს ასეთ პირებთან საგარეო სავაჭრო ტრანზაქციებით ნაკისრი ვალდებულებები, თუ გარიგება ჯერ არ დასრულებულა.
• განახორციელონ ფინანსური ოპერაციები, რომლის ბენეფიციარები არიან სანქციებს დაქვემდებარებული პირები.
• ამასთან ერთად, აკრძალულია პროდუქციისა და ნედლეულის ექსპორტი, თუ მიწოდება ხდება რუსეთის სანქციების ქვეშ მყოფი პირების სასარგებლოდ.

გარდა ამისა საპასუხო სანქციების ქვეშ მყოფი პირების სია მთავრობამ 10 დღის ვადაში უნდა დაადგინოს. განისაზღვროს დამატებითი კრიტერიუმები ტრანზაქციების კლასიფიკაციისთვის, რომელთა ვალდებულებების შესრულება განკარგულების მიხედვით აკრძალულია.

ამავდროულად, ფინანსთა სამინისტროს და რუსეთის ფედერაციის ცენტრალურ ბანკს მიენიჭებათ უფლება მისცენ ოფიციალური ახსნა-განმარტებები ამ განკარგულების გამოყენებასთან დაკავშირებით, გარდა ფინანსური ოპერაციების წესისა, რომელთა ბენეფიციარები არიან რუსეთის ფედერაციაში მყოფი პირები.

ავტორი: ექსპრესნიუსი,

სოციალური ქსელები

ოცნების საგარეო: რუსეთსა და ოკუპირებულ ცხინვალს შორის შეთანხმებაზე შეშფოთება გამოვთქვით

TI: „ქართული ოცნების“ დონორებთან დაკავშირებულმა კომპანიებმა 17.7 მილიონი ლარის ღირებულების სამთავრობო კონტრაქტები მიიღეს.

დაპორტირდი სელფიში და მიიღე ყველაფერი ულიმიტო 3 თვე სრულიად უფასოდ

ბაზისბანკის მხარდაჭერით საქართველოს ეკონომიკის ასოციაციის II საერთაშორისო კონფერენცია გაიმართა