„ისეთი ბრალდებულის გარეთ ყოფნა, როგორიც ირაკლი ფირცხალავაა, ვთვლი, რომ დაუშვებელი იქნებოდა“, – ასე გამოეხმაურა იუსტიციის მინისტრი თეა წულუკიანი ე.წ. კორტების სპეცოპერაციის საქმესთან დაკავშირებით 11 პირისთვის აღკვეთი ღონისძების სახით პატიმრობის შეფარდებას.
მისივე შეფასებით, პროკურატურამ ალექსანდრე ხუბულოვისა და ზურაბ ვაზაგაშვილის საქმესთან დაკავშირებით ძალიან კარგად იმუშავა.
„ სანამ გამოძიება არ დასრულდებოდა, ამ თემასთან დაკავშირებით მე კომენტარს არ ვაკეთებდი.   მაგრამ, ახლა თამამად შემიძლია ვთქვა, რომ პროკურატურამ ბოლო თვეების განმავლობაში ამ საქმეზე ძალიან კარგად იმუშავა. ძალიან ლოგიკურად დასრულდა ის პროცესი, რასაც ჰქვია ამ ადამიანებისთვის წინასწარი პატიმრობის შეფარდება.  მოსამართლის ეს გადაწყვეტილება, ვთვლი რომ საფუძვლიანია, რადგან ისეთი ადამიანის და ისეთი ბრალდებულის გარეთ ყოფნა , როგორიც ირაკლი ფირცხალავაა, ვთვლი, რომ დაუშვებელი იქნებოდა, თუმცა, ეს ეხება  ყველას, ვინც წინასწარი პატინმრობის სახით ციხეში განწესდა. ეს საქმე ლოგიკურ დასასრულამდე მივა და არსებითი განხილვაც გვაჩვენებს იმას, თუ ვინ იყო დამნაშავე და ვინ არა“, – აღნიშნა წულუკიანმა.
აქვე, მისნიტრი საზოგადოებას დაპირდა, რომ  თბილისის იუსტიციის სახლთან 2004-2012 წლებში პოლიტიკური რეჟიმის მსხვერპლთა ხსოვნის მემორიალი კვლავ იდგება.
„ეს თავისუფლებაში მყოფ ფირცხალავას არ მოსწონდა და ჩემთვისაც შემოუთვლია მუქარა. მაგრამ, ჩემის მხრიდან მინდა საზოგადოებას დავპირდე, რომ სოცოცხლის დაცვისკენ მიმართული ის მემორიალი რაც დგას, იდგება იქ სადაც არის, რადგან ჩვენი შვილები, სახელმწიფოს ხელით არასდროს იქნან მოკლულნი“, – განაცხადა წულუკიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს