2022-04-09 13:42:33, 1427 ნახვა
მსოფლიო
ვიცე-პრემიერის განცხადებით, უკრაინამ ევროკავშირის წევრობაზე კანდიდატის სტატუსი, შესაძლოა, ივნისში მიიღოს
ველით, რომ კანდიდატის სტატუსს ივნისში მივიღებთ, - ამის შესახებ უკრაინის ვიცე-პრემიერის ევროპულ და ევროატლანტიკურ სტრუქტურებში ინტეგრაციის საკითხებში ოლგა სტეფანიშინას განცხადებაშია აღნიშნული.
როგორც ის აღნიშნავს, ევროკავშირის კანდიდატის სტატუსი უკრაინის აღდგენისა და რუსეთის აგრესორზე გამარჯვების ნაწილია.
„უკრაინამ მიიღო ევროკავშირის წევრობის კითხვარი. ჩვენ უკვე ჩავატარეთ მოსამზადებელი სამუშაოს დიდი ნაწილი, ამიტომ მზად ვართ უფრო სწრაფად წავიწიოთ წინ. ველით, რომ კანდიდატის სტატუსს ივნისში მივიღებთ. ეს არის ჩვენი აღდგენისა და რუსეთის აგრესორზე გამარჯვების ნაწილი, რომელსაც სურს შეცვალოს უკრაინის დემოკრატიული კურსი“,- განაცხადა ოლგა სტეფანიშინამ.
ავტორი: ექსპრესნიუსი,
epn.ge (@expressnews.ge)
