დღეს, 22 თებერვალს ევროკავშირი რუსეთის მიმართ დასაწესებელ სანქციბზე იმსჯელებს. EU ავრცელებს იმ სფეროების ჩამონათვალს რა მიმართულებითაც სურს, დაუწესოს რუსეთს სანქციები.

აღნიშნული სანქციების შესახებ ევროკომისიის პრეზიდენტის, ურსულა ფონ დერ ლაიენისა და ევროსაბჭოს პრეზიდენტის, შარლ მიშელის ერთობლივ განცხადებაშია საუბარი.

სანქციების პაკეტი შეეხება:

• პირებს, რომლებიც ჩართულები იყვნენ უკანონო გადაწყვეტილების მიღებაში; 
• ბანკებს, რომლებიც აფინანსებენ რუსულ ჯარს და სხვა ოპერაციებს ოკუპირებული დონბასის ტერიტორიებზე.
• რუსეთის სახელმწიფოს და მთავრობას შეეზღუდოს ევროკავშირის კაპიტალზე, ფინანსურ ბაზრებსა და სერვისებზე წვდომა, რათა შეზღუდოს ესკალაციური და აგრესიული პოლიტიკა
• ოკუპირებული რეგიონებიდან ევროკავშირიდან და ევროკავშირში ვაჭრობის შეზღუდვა, რათა პასუხისმგებელმა პირებმა ნათლად იგრძნონ თავიანთი უკანონო და აგრესიული ქმედებების ეკონომიკური შედეგები.

ამავე განცხადებაში, ევროპელმა ლიდერებმა რუსეთის ფედერაციის გადაწყვეტილებას, აღიაროს დამოუკიდებელ სუბიექტებად დონეცკისა და ლუგანსკის ოლქები მიუღებელი და უკანონო უწოდეს.

შეგახსენებთ, რომ რუსეთის პრეზიდენტმა, ვლადიმერ პუტინმა დონეცკისა და ლუგანსკის ე.წ რესპუბლიკების დამოუკიდებლობა აღიარა. აღნიშნული მოთხოვნით რუსეთის დუმამ ვლადიმერ პუტინს 15 თებერვალს მიმართა. 

„მივიღე გადაუდებელი გადაწყვეტილება, რომელიც დიდი ხნის წინ მომწიფთა, ვაღიარო დონეცკისა და ლუგანსკის დამოუკიდებლობა. ვთხოვ, ფედერაციის საბჭოს სასწრაფოდ მოახდინოს ამ გადაწყვეტილების რატიფიცირება", - განაცხადა ვლადიმერ პუტინმა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს