უკრაინის პრეზიდენტი, ვლადიმირ ზელენსკი რუსეთთან დიპლომატიური ურთიერთობების გაწყვეტის მოთხოვნას განიხილავს.

აღნიშნულის შესახებ უკრაინის პრეზიდენტმა ესტონელ კოლეგასთან ერთობლივ პრესკონფერენციაზე განაცხადა.

„უკრაინის საგარეო საქმეთა სამინისტრომ მომმართა რუსეთის ფედერაციასთან დიპლომატიური ურთიერთობების გაწყვეტის შესახებ, მე უახლოეს დროში განვიხილავ ამ წინადადებას და მივიღებ გადაწყვეტილებას. გადაწყვეტილებას მივიღებ არა მარტო ამ საკითხზე, არამედ იმაზე გამოაცხადოს თუ არა უკრაინამ საომარი მდგომარეობა. უკრაინაში საომარი მდგომარეობა მხოლოდ იმ შემთხვევაში იქნება შემოღებული, თუ რუსეთიდან ესკალაცია გაგრძელდება“, - განაცხადა ვლადიმერ ზელენსკიმ.

სახელმწიფოს მეთაურის თქმით, უკრაინა არ განიხილავს „ბოევიკების ლიდერების მოთხოვნას“ უკრაინული ჯარების გაყვანის შესახებ ლუგანსკის და დონეცკის რეგიონების კონტროლირებადი ტერიტორიებიდან.

„ჩვენ არ ვკონტაქტობთ მათთან. ჩვენ არ გვესმის, ვინ არიან ისინი", - განაცხადა ზელენსკიმ.

შეგახსენებთ, რომ რუსეთის პრეზიდენტმა, ვლადიმერ პუტინმა დონეცკისა და ლუგანსკის ე.წ რესპუბლიკების დამოუკიდებლობა აღიარა. აღნიშნული მოთხოვნით რუსეთის დუმამ ვლადიმერ პუტინს 15 თებერვალს მიმართა. 

„მივიღე გადაუდებელი გადაწყვეტილება, რომელიც დიდი ხნის წინ მომწიფთა, ვაღიარო დონეცკისა და ლუგანსკის დამოუკიდებლობა. ვთხოვ, ფედერაციის საბჭოს სასწრაფოდ მოახდინოს ამ გადაწყვეტილების რატიფიცირება", - განაცხადა ვლადიმერ პუტინმა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს