გერმანიის კანცლერმა, ოლაფ შოლცმა, რომელიც რუსეთში პრეზიდენტთან, ვლადიმერ პუტინთან შესახვედრად ჩავიდა, კორონავირუსის რუსული PCR ტესტის გაკეთებაზე უარი განაცხადა.

აღნიშნულის შესახებ ინფორმაციას გერმანული მედიასაშუალებები ავრცელებენ და ამბობენ, რომ ოლაფ შოლცს PCR ტესტი რუსეთში გერმანიის საელჩოს ექიმმა ჩაუტარა.

Bild-ის ცნობით, რუსეთის ხელისუფლებამ ოლაფ შოლცს და გერმანიის დელეგაციის წევრებს მოსკოვში ვიზიტამდე სამი PCR ტესტის გაკეთება სთხოვა. ბოლო ტესტი გამგზავრებამდე 24 საათით ადრე უნდა ჩატარებულიყო. გარდა ამისა, რუსეთის ხელისუფლებამ სთხოვა, რომ ფრენის დასრულების შემდეგ, რუს ექიმებს კვლავ ჩაეტარებინათ გერმანიის დელეგაციის წევრებისთვის PCR ტესტები.

გაზეთი აღნიშნავს, რომ გერმანიის კანცლერი არ დათანხმდა ბოლო პირობას და PCR ტესტი არა რუს ექიმებს, არამედ რუსეთში გერმანიის საელჩოს ექიმს გააკეთებინა. ამასთან, გერმანული მხარე დათანხმდა, რომ ტესტირებას რუსეთის წარმომადგენლებიც დასწრებოდნენ.

Bild-ის ცნობით, ტესტირების პროცედურის ცვლილების გამო, გერმანიის კანცლერი და ვლადიმერ პუტინი შესაძლოა გრძელ მაგიდასთან დასხდნენ, როგორც ეს მოხდა რუსეთის პრეზიდენტისა და საფრანგეთის პრეზიდენტის, ემანუელ მაკრონის შეხვედრის დროს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს