ამერიკის შეერთებული შტატების პრეზიდენტის ბარაკ ობამას  განცხადებით, რუსეთის პრეზიდენტმა ვლადიმერ პუტინმა რუსეთი სპონტანური გადაწყვეტილებით იზოლაციაში მოაქცია.

ამის შესახებ ობამამ CNN-თან ინტერვიუში განაცხადა.

ობამას თქმით, ყირიმის ანექსიით რუსეთმა დაარღვია საერთაშორისო კანონმდებლობა, რითაც თავი იზოლაციაში მოიქცია.

„როდესაც პრეზიდენტი გავხდი, ჩვენ გადატვირთვის პოლიტიკა გამოვაცხადეთ და გვქონდა კარგი სამუშაო ურთიერთობები ბატონ მედვედევთან. შედეგად, რუსეთის ეკონომიკა იზრდებოდა და მათ ჰქონდათ მისი დივერსიფიკაციის საშუალება. ასევე ჩვენი მხარდაჭერით, ისინი გახდნენ მსოფლიო სავაჭრო ორგანიზაციის წევრებიც. თუმცა, უკრაინასთან მიმართებაში მიღებული გადაწყვეტილების შემდეგ, რომელიც არ იყო რაღაც დიდი სტრატეგიის ნაწილი, არამედ სპონტანური პასუხი კიევში მეიდანზე განვითარებულ მოვლენებზე, ის აღმოჩნდა მდგომარეობაში, როდესაც რუსეთი არის იზოლირებული", -განაცხადა ბარაკ  ობამამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პირველკლასელების სასკოლო ფორმები საქართველოშია და 1-14 სექტემბერს გაიყიდება

პოლონეთის საელჩო: კაჩინსკის 2008 წლის გაფრთხილება პირქუშ წინასწარმეტყველებას ჰგავს

„მნიშვნელოვანი დემოკრატიული უკუსვლა“: რას ამბობს ევროკავშირის ახალი ანგარიში საქართველოს შესახებ

უკანა სავარძელზე მსხდომ მგზავრებს შესაძლოა უსაფრთხოების ღვედების გამოყენება მოეთხოვოთ