ევროკავშირის ლიდერები რამან პრატასევიჩის დაკავების გამო ლუკაშენკოს რეჟიმს მწვავედ აკრიტიკებენ

2021-05-24 02:45:38, 728 ნახვა

მსოფლიო

ევროკომისიის პრეზიდენტი, ურსულა ფონ დერ ლეიენი 23 მაისს ბელარუსში განვითარებულ მოვლენებს გამოეხმაურა.

"ათენიდან ვილნიუსის მიმართულებით Ryanair-ის რეისის მინსკში იძულებით დაშვება სრულად მიუღებელია. ყველა მგზავრს დაუყოვნებლივ უნდა შეეძლოს მოგზაურობის ვილნიუსის მიმართულებით გაგრძელება და მათი უსაფრთხოება უზრუნველყოფილი უნდა იყოს.
საერთაშორისო საჰაერო ტრანსპორტის წესების ნებისმიერ დარღვევას უნდა მოჰყვეს შედეგები". -დაწერა ურსულა ფონ დერ ლეიენმა.

ევროპული საბჭოს პრეზიდენტმა, შარლ მიშელმა შეშფოთება გამოხატა ბელარუსში განვითარებული მოვლენების შესახებ.

"ძალზე შეშფოთებული ვარ Ryanair-ის ფრენის მინსკში იძულებით დაშვების შესახებ.
ჩვენ მოვუწოდებთ ბელარუსის ხელისუფლებას, რომ დაუყოვნებლივ გაათავისუფლონ თვითმფრინავი და მისი ყველა მგზავრი. საერთაშორისო სამოქალაქო საავიაციო ორგანიზაციის [ICAO] მიერ ამ ინციდენტის გამოძიება აუცილებელი იქნება".

ბელორუსის ოპოზიციური ტელეარხის Nexta- ს ყოფილი მთავარი რედაქტორი, რომან პროტასევიჩი მინსკის აეროპორტში დააკავეს. ჟურნალისტი თვითმფრინავიდან ჩამოიყვანეს, რომელიც ათენიდან ვილნიუსისკენ მიფრინავდა. Ryanair- ის რეისი მინსკში მას შემდეგ დაეშვა "მაინინგის" შესახებ შეტყობინების მიიღო.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,