„შეწყდეს რიონის ხეობის ოკუპაცია", - ამ სლოგანით დღეს სოფელ გუმათში საპროტესტო აქცია გაიმართება.

საპროტესტო აქცია თავდაპირველად თბილისში, მთავრობის ადმინისტრაციასთან დაიგეგმა, თუმცა გუშინ, 11 აპრილს განვითარებული ოვლენები გამო, გუმათში გადაინაცვლა.

„მივმართავთ ყველას, ვინც ადევნებს თვალს იმ მძიმე და უსამართლო სურათს, რაც ახლა რიონის ხეობაში ხდება!!!

მთავრობამ გუშინ დატრიალებული ტრაგედია გამოიყენა ინსტრუმენტად, რომ დაეშალა კარვების ბანაკი, სადაც 170 დღეა ხალხი სახელმწიფოს ღირსებას მათ მაგივრად იცავს. როგორც ჩანს ისინი ვერ ხვდებიან, რომ ეს უსამართლო ნაბიჯი კი არ შეანელებს, არამედ გააძლიერებს წინაღმდეგობას!!!

შსს იყენებს ბინძურ მეთოდებს და ცრუ მიზეზებს, თითქოს წყლის ადიდების საფრთხეა, მაშინ როცა ადგილობრივების თქმით უშუალოდ კარვების ადგილზე არ არსებობს ეს საფრთხე ახლა; უდგამს ალკოჰოლით სავსე ჭიქებს კარვების დაშლისას მაგიდებზე გუშინდელი ტრაგედიის შემდეგ დაზაფრულ ხალხს, რომელსაც კარვების ტერიტორიაზე აკრძალული აქვს შინაგანაწესით ალკოჰოლის შეტანა.

მთავრობა ვერ გაიტანს ამ ბინძურ განზრახვას ხალხის წინააღმდეგ - ის ვერ შეაჩერებს ამ სამართლიან, სახალხო, ისტორიულ ბრძოლას! მოგიწოდებთ ყველას, ჩავიდეთ სოფელ გუმათში რიონის ხეობის მოსახლეობის მხარდასაჭერად და რიონის მცველებთან ერთად მოვითხოვოთ:

შეწყდეს რიონის ხეობის ოკუპაცია!!!

ბრძოლას ვერ შეაჩერებთ!!!“, - აღნიშნულია ორგანიზატორების მიერ გავრცელებულ განცხადებაში.

შეგახსენებთ, რომ გუშინ, 11 აპრილს სამართალდამცველებმა  სოფელ ნამახვანში რიონის ხეობის მცველების კარვები დაშალეს, რის შემდეგაც აქტივისტებმა კარვები სოფელ გუმათში გადაიტანეს და გზა გადაკეტეს. გზა ამ დრომდე გადაკეტილია. ადგილზე სამართალდამცველთა დიდი მობილიზებაა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

შსს: ხორავას ქუჩაზე 4 პირი დაჭრეს, ერთ-ერთი არასრულწლოვანი კლინიკაში გარდაიცვალა

იუმორისტ ონისე ოქრიაშვილს სახლთან 3 პირი ფიზიკურად გაუსწორდა

თბილისში, ვერაზე სროლა იყო - არსებული ინფორმაციით, დაჭრილია 3 ახალგაზრდა

ოლიგარქის სასამართლომ ევროკავშირისა და დასავლელი დიპლომატებისთვის „საბოტაჟის“ საქმეზე დასწრება აკრძალა