სტრასბურგის სასამართლო რუსეთს ალექსეი ნავალნის გათავისუფლებისკენ მოუწოდებს

2021-02-17 18:41:08, 647 ნახვა

მსოფლიო

ადამიანის უფლებათა ევროპული სასამართლო რუსეთს ოპოზიციონერი ალექსეი ნავალნის გათავისუფლებისკენ მოუწოდებს.

აღნიშნულის შესახებ ინფორმაცია ნავალნის ვებგვერდზე გამოქვეყნდა.

„2021 წლის 16 თებერვალს, სტრასბურგის სასამართლოს პალატის შვიდმა მოსამართლის დადგენილებით, მხარეების ინტერესებისა და საქმის სათანადო განხილვისთვის, რეგლამენტის 39-ე წესის მიხედვით, რუსეთს ნავალნის დაუყოვნებლივ გათავისუფლების მითითება მიეცა. ეს ღონისძიება დაუყოვნებლივ უნდა იქნას მიღებული. ამ გადაწყვეტილების მიღებისას პალატამ გაითვალისწინა განმცხადებლის სიცოცხლისათვის საშიშროების ხასიათი და ხარისხი.

სასამართლოს რეგლამენტის 39-ე მუხლის მე -2 ნაწილის შესაბამისად, მინისტრთა კომიტეტს ეცნობება გადაწყვეტილების შესახებ“, - ნათქვამია ინფორმაციაში.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან