ცესკოს სპიკერმა ანა მიქელაძემ პირველ საინფორმაციო ბრიფინგზე განაცხადა, რომ ყველა საარჩევნო უბანი საქართველოს მასშტაბით დილის 8 საათისთვის მზად იყო ამომრჩევლის მისაღებად.

როგორც მიქელაძემ აღნიშნა, უკვე დაწყებულია სტაციონარულ სამკურნალო დაწესებულებებსა და იზოლაციაში მყოფი ამომრჩევლების ხმის მიცემის უზრუნველყოფა გადასატანი ყუთების მეშვეობით.

„საარჩევნო ადმინისტრაცია მზად არის არჩევნების პროფესიულ, ყველასათვის ხელმისაწვდომ და ჯანმრთელობისთვის უსაფრთხო გარემოში ჩასატარებლად.

ყველა საარჩევნო უბანი დილის 8 საათისთვის მზად იყო ამომრჩევლის მისაღებად, სადაც სრულად დაცულია სანიტარულ-ჰიგიენური წესები და ამ წუთებში მიმდინარეობს კენჭისყრა.

რაც შეეხება სტაციონარულ სამკურნალო დაწესებულებასა  და იზოლაციაში მყოფი ამომრჩევლების არჩევნებში მონაწილეობის უზრუნველყოფის მიზნით შექმნილ 127 სპეციალურ უბანს, მათ 311 გადასატანი საარჩევნო ყუთის საშუალებით უკვე დაიწყეს ამომრჩევლების მომსახურება.

დღეს, საპარლამენტო არჩევნებთან ერთად იმართება საკრებულოების შუალედური არჩევნები თბილისის, თელავის, თეთრი წყაროს და ონის მუნიციპალიტეტების 39 საარჩევნო უბანზე, ასევე მერობის რიგგარეშე არჩევნები კასპის, ონის, ხარაგაულის, თერჯოლისა და ქუთაისის მუნიციპალიტეტების 254 საარცევნო უბანზე.

აჭარის ავტონომიურ რესპუბლიკაში ტარდება უმაღლესი საბჭოს არჩევნები, შესაბამისად, ამომრჩევლებს საარჩევნო უბნებზე საპარლამენტო არჩევნებში მონაწილეობისათვის გადაეცემათ 2 ბიულეტინი. იქ სადაც, ასევე ტარდება საკრებულოს შუალედური ან მერების რიგგარეშე არჩევნები ამომრჩევლები მიიღებენ 3 ბიულეტინს, ხოლო აჭარაში მიიღებენ 3 ბიულეტინს.

არჩევნებს დააკვირდება საარჩევნო სუბიექტების 80 819 წარმომადგენელი, 132 ადგილობრივი სადამკვირვებლო ორგანიზაციის 46 981, ხუთი საარჩევნო ადმინისტრაციის, ოცი საელჩოსა და 23 საერთაშორისო ორგანიზაციის 910 დამკვირვებელი, ხოლო პროცესს 118 მედიაორგანიზაციის 5 971 მედიაწარმომადგენელი", - განაცხადა ანა მიქელაძემ ბრიფინგზე.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„თეგეტამ“ „დეილი ჯგუფს“ საოპერაციო ლიზინგის ფარგლებში FAW-ის 50 სატვირთო ავტომობილი მიაწოდა

ბერა ივანიშვილზე დაწერილი პოსტის გამო, ნატა ფერაძე სასამართლოში დაიბარეს

სუს: სოფელ ბერუშეთთან ოკუპანტების მიერ დაკავებული საქართველოს მოქალაქე თავისუფალია

პაპუაშვილი: რეზოლუციებმა საბოლოოდ გადაკვეთეს ქართველი ხალხის მიერ დადგენილი წითელი ხაზები