„ევროკავშირი რეფორმების განხორციელების პროცესში ყოველთვის საქართველოს გვერდითაა და ახლაც, პანდემიით გამოწვეული კრიზისის დროსაც ძალიან სოლიდურად დაგვიდგა გვერდში. ჩვენ ძალიან მადლობლები ვართ ამისთვის“, - ამის შესახებ ეკონომიკისა და მდგრადი განვითარების მინისტრმა ნათია თურნავამ განაცხადა, რომელმაც მისასალმებელი სიტყვით მიმართა ავტორიტეტული სტრატეგიული ცენტრის „StrategEast" - ის მიერ ორგანიზებული ვირტუალური შეხვედრის მონაწილეებს. შეხვედრაზე განხილული იყო ევროკავშირის პროგრამები, რომლებიც  აღმოსავლეთ პარტნიორობის ქვეყნებში პანდემიის წინააღმდეგ ბრძოლას შეეხება.

მისასალმებელ სიტყვაში, ნათია თურნავამ  ვირტუალური შეხვედრის მონაწილეებს გააცნო საქართველოს მთავრობის წარმატებული გამოცდილება კორონავირუსის გავრცელების პრევენციის კუთხით და აღნიშნა, რომ ეფექტურად მართულმა ანტიკრიზისულმა პოლიტიკამ ქვეყანას ეკონომიკის ეტაპობრივი გახსნის შესაძლებლობა მისცა.

მინისტრმა შეხვედრის მონაწილეებს მიაწოდა ინფორმაცია პირდაპირი უცხოური ინვესტიციების მოზიდვის განახლებულ სტრატეგიაზე და იმ სექტორებზე, რომლებზეც მთავრობა პოსტკრიზისული პროგრამის ფარგლებში აქცენტს გააკეთებს ღირებულებათა ჯაჭვში ჩართვის და შესაბამისი ინვესტიციების მოზიდვის მიმართულებით.

„ვისარგებლე ამ შემთხვევით და მოვუყევი, რომ ჩვენ მალე გავხსნით ჩვენს ტურისტულ ბაზარს, ჩვენ ვართ პირველი ქვეყანა რეგიონში, რომელმაც უცხოელი ტურისტების მასპინძლობის ძალიან ზუსტი თარიღი დაასახელა. შეხვედრაზე ასევე ვისაუბრეთ სხვადასხვა ანტიკრიზისულ ღონისძიებაზე, რომლითაც საქართველოს მთავრობამ ეფექტურად უპასუხა ამ გამოწვევას“, - განაცხადა ნათია თურნავამ.

შეხვედრაში ასევე მონაწილეობდა ეკონომიკისა და მდგრადი განვითარების მინისტრის მოადგილე გენადი არველაძე.

ავტორი: NS (სტატია დაფინანსებულია),

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება