თსსუ-ს პირველი საუნივერსიტეტო კლინიკის დირექტორის, ლევან რატიანის განცხადებით, მათ კლინიკაში კორონავირუსით ინფიცირებული ერთი პაციენტის მდგომარეობა მძიმეა.

როგორც რატიანმა აღნიშნა, კორონავირუსით ინფიცირებული დანარჩენი პაციენტების მდგომარეობა ამ ეტაპამდე სტაბილურია.

„ამ ეტაპზე კლინიკაში გვყავს 110 პაციენტი, აქედან კოვიდინფიცირებულია 87. გუშინ მხოლოდ ერთი ტესტირება ჩატარდა, იმიტომ, რომ გასული იყო 14 დღე. მივიღეთ ორივე შემთხვევაში უარყოფითი პასუხი და ისინი გაეწერებიან.

დღეს გაგზავნილი გვაქვს სამი ათეული  პირველადი ტესტი ლუგარის ლაბორატორიაში და ვნახოთ, რა შედეგებს მივიღებთ.

რეანიმაციაში გვყავს 7 პაციენტი, აქედან 6-ის მდგომარეობა გაუმჯობესებულია. მხოლოდ და მხოლოდ ერთის მდგომარეობა რჩება მძიმე, მაგრამ ვინარჩუნებთ ვიტალურ პარამეტრებს. დანარჩენი პაციენტები, რომლებიც აგრძელებენ მკურნალობას სხვადასხვა განყოფილებებში, მათი მდგომარეობა ამ ეტაპამდე სტაბილურია“, - განაცხადა ლევან რატიანმა.

ავტორი: ექსპრესნიუსი,

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს