ეროვნული ბანკის პრეზიდენტის გიორგი ქადაგიძის განცხადებით, აუცილებელია რომ მთავრობამ ღიად დააფიქსიროს საკუთარი პოზიცია რეფინანსირების ინსტრუმენტთან დაკავშირებით. 

მისი თქმით, მთავრობასთან დაახლოებული  ექსპერტები ამ ინსტრუმენტის დისკრედიტაციას ახდენენ, რაც  ბაზრის მონაწილეებში გაურკვევლობას იწვევს. 
„სახაზინო ვალდებულებების საპროცენტო განაკვეთის ზრდა არის ზუსტად ის ფასი, რომელსაც ჩვენ ეროვნულ ბანკზე განხორციელებული  შეტევევბისთვის ვიხდით. კონკრეტულად კი მთავარ ინსტრუმენტზე, რეფინანსირების სესხებზე.მოგეხსენებათ, რომ მთავრობასთან დაახლოებული ექსპერტები განუწყვეტლივ ახდენენ ამ ინსტრუმენტის დისკრედიტაციას, რაც საბოლოო ჯამში იწვევს გაურკვევლობას ბაზრის მონაწილეებში. არის მოლოდინი, რომ ჩვენ შეიძლება შევზღუდოთ ან შევაჩეროთ რეფინანსირების სესხები. როგორც შედეგი საპროცენტო განაკვეთი გაიზრდება. არამარტო ეროვნული ბანკი ზარალდება ამით, არამედ ბიუჯეტი ყოველთვიურად იხდის მილიონობით უფრო მეტ ლარს საპროცენტო ხარჯის სახით. აუცილ;ებელია მთავრობამ კიდევ ერთხელ ღიად და საჯაროდ დააფიქსიროს საკუთარი პოზიცია რეფინანსირების ინსტრუმენტთან დაკავშირებით. უჭერს თუ არა მთავრობა მხარს რეფინანსირების ინსტრუმენტის შეზრუდვას. იმისთვის, რომ ამ საკითხს ერთხელდასამუდამოდ   დაესვას წერტილი და უნდა  შევიტანოთ სიცხადე ბაზრის მონაწილეებისათვის. დღეს ყველააზე მნიშვნელიოვანია, რომ მთავრობამ დააფიქსიროს საკუთარი პოზიცია ახდენს თუ არა გავლენას ლარის გაცვლით კურსზე რეფინანსირების სესხები.  ერთის მხრივ არის მთავრობის დუმილი, მეორეს მხრივ არიან ექსპერტები, რაც ბაზრის მონაწილეების მხრიდან აღიქმება როგორც მთავრობის პოზიცია“,-განაცხადა გიორგი ქადაგიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"

მზადება ახალი თავგადასავლისთვის - თიბისის მობაილბანკში მასშტაბური მარათონი ბრუნდება