2020-03-03 11:11:48, 2393 ნახვა
მსოფლიო
ჯანდაცვის მსოფლიო ორგანიზაციის ხელმძღვანელი - აქამდე არასდროს გვინახავს რესპირატორული პათოლოგია, რომელიც საზოგადოებას ასე გადაეცემა
„ჩვენ აქამდე არასდროს გვინახავს რესპირატორული პათოლოგია, რომელიც საზოგადოებას ასე გადაეცემა“, - ამის შესახებ ჯანდაცვის მსოფლიო ორგანიზაციის ხელმძღვანელმა ტედროს ადჰანომ გებრეიუსუსმა „ტვიტერის“ ოფიციალურ გვერდზე დაწერა.
გებრეიუსუსი აღნშნავს, რომ ეპიდემიის ცოდნა და გაგება პირველი ნაბიჯია ვირუსის დამარცხებისთვის და სწორი ზომების მიღებით შესაძლებელია მისი გავრცელება შეიზღუდოს.
„ეპიდემიის ცოდნა და გაგება პირველი ნაბიჯია ვირუსის დამარცხებისთვის. ჩვენ COVID19-ის გავრცელების არაკონტროლირებად ტერიტორიაზე ვართ. ჩვენ აქამდე არასდროს გვინახავს რესპირატორული პათოლოგია, რომელიც საზოგადოებას ასე გადაეცემა. მაგრამ შესაძლოა სწორი ზომების მიღებით მისი გადაცემა შეიზღუდოს“, - წერს ტედროს ადჰანომ გებრეიუსუსი.
ავტორი: ექსპრესნიუსი,
epn.ge (@expressnews.ge)
