კაჭრეთში მევენახეთა კონფერენცია „მევენახეობის თანამედროვე პრობლემები საქართველოში“ გაიმართა.

კონფერენციის მონაწილეებმა მევენახეობის სექტორში არსებულ გამოწვევებზე და მათი გადაჭრის გზებზე იმსჯელეს. სოფლის მეურნეობის სამეცნიერო-კვლევითი ცენტრის თანამშრომლებმა დარგის სპეციალისტებს მევენახეობის განვითარების პერსპექტივები, ცენტრის მიერ აღდგენილი ვაზის ძველი ქართული ჯიშები და მათი სამეწარმეო პოტენციალი გააცნეს.

„ჯიშური მრავალფეროვნება და მისი დაცვა დღეს ქართული მევენახეობის პრიორიტეტული მიმართულებაა. მის განვითრებას ხელს უწყობს ჩვენი ქვეყნის აგროკლიმატური პირობები. მევენახეთა ერთ-ერთ პრიორიტეტს ვაზის იშვიათი ქართული ჯიშების გაშენება და ღვინის წარმოებაში დაბრუნება უნდა წარმოადგენდეს“,  - აღნიშნა სოფლის მეურნეობის სამეცნიერო-კვლევითი ცენტრის მევენახეობა-მეღვინეობის სამსახურის უფროსმა, დავით ჩიჩუამ.

მევენახეთა კონფერენცია საქართველოს გარემოს დაცვისა და სოფლის მეურნეობის სამინისტროს მხარდაჭერითა და გურჯაანის მუნიციპალიტეტის მერიის ორგანიზებითა უკვე მეორედ იმართება.

კონფერენციას ღვინის ეროვნული სააგენტოს, ბიოლოგიურ მეურნეობათა ასოციაციის „ელკანა“, „რუისპირის ბიოდინამიური მეურნეობის“, ადგილობრივი თვითმართველობის წარმომადგენლები, მევენახეები და უმაღლესი საგანმანათლებლო დაწესებულებების მევენახეობა-მეღვინეობის ფაკულტეტის სტუდენტები ესწრებოდნენ.

კონფერენციის დასასრულს, ქვევრის გახსნის ცერემონია და ღვინის გამოფენა-დეგუსტაცია გაიმართა.

ავტორი: NS (სტატია დაფინანსებულია),

სოციალური ქსელები

კუპრაძე ელისაშვილის წინააღმდეგ წაყენებულ ახალ ბრალდებებზე: ეს არ არის სამართლებრივი, არამედ პოლიტიკური სასამართლო პროცესია

ზურაბ მენთეშაშვილი, რომელიც მეორედ იყო გასამართლებული რუსთაველის გამზირის გადაკეტვისთვის 9 თვის შემდეგ გათავისუფლდა

ზელენსკი: რუსეთმა უკრაინა ჩრდილოეთ კორეული რაკეტით დაბომბა

ესპანეთის საზღვარს ათასობით მიგრანტი შტურმით იღებს, მადრიდი კრიზისის ადგილას ჯარს აგზავნის