2020-02-20 14:00:43, 1331 ნახვა
კომენტარი
კახა კალაძე - მეტი ვანო ოპოზიციას
„მეტი ვანო ოპოზიციას“, - ასე შეაფასა დედაქალაქის მერმა კახა კალაძემ ყოფილი შს მინისტრის, ვანო მერაბიშვილის მიერ სასჯელაღსრულების დაწესებულების დატოვების შემდეგ გაკეთებული განცხადებები.
როგორც მერმა აღნიშნა, მერაბიშვილი დროსა და სივრცეში არის დაკარგული.
„მისი განცხადებებიდან გამომდინარე აშკარად ჩანს, რომ დროსა და სივრცეში არის დაკარგული. ვაცადოთ, ჩაეხუტოს ოჯახს, გაერკვეს, რა რეალობაა, რა ხდება და შემდეგ მოვისმინოთ. მეტი ვანო ოპოზიციას“, - განაცხადა კალაძემ.
შეგახსენებთ, , შინაგან საქმეთა ყოფილმა მინისტრმა, ვანო მერაბიშვილმა 7 წლიანი პატიმრობის შემდეგ, ე.წ მატროსოვის ციხე დღეს დატოვა. როგორც მერაბიშვილმა ჟურნალისტებთან საუბრისას განაცხადა, „წლის ბოლომდე დღევანდელი ხელისუფლების დამხობის შემდეგ, ციხის კარი ყველა პოლიტპატიმრისთვის ფართოდ გაიღება“.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
