იუსტიციის უმაღლესი საბჭოს მდივანი ლევან მურუსიძე არ ადასტურებს ინფორმაციას, რომ  მას უზენაესი სასამართლოს თავმჯდომარეობა სურს და ამ თემაზე პრემიერ-მინისტრთან კონსულტაციებიც გამართა.

როგორც მურუსიძემ  უზენაესი სასამართლოს თავმჯდომარის კანდიდატის შერჩევასთან დაკავშირებით პრეზიდენტის ადმინისტრაციაში  მიმდინარე შეხვედრის დაწყებამდე ჟურნალისტებს განუცხადა, მისმა გვარმა რამდენჯერმე გაიჟღერა, თუმცა თავად კონსულტაციები აღმასრულებელ ხელისუფლებასთან არ ჰქონია.

კითხვაზე-შეთავაზების შემთხვევაში, დათანხმდება თუ არა უზენაესი სასამართლოს თავმჯდომარეობას, მურუსიძემ განაცხადა, რომ ეს მისთვის დიდი პატივი იქნება.

"აღნიშნულ ფაქტს არ ვადასტურებ.შესაბამისად, არავითარი კონსულტაცია პრემიერ-მინისტრთან არ მქონია.რამდენჯერმე კი გაიჟღერა ჩემმა გვარმა, მაგრამ მინდა დაგარწმუნოთ, რომ რეალურად კონსულტაცია აღმასრულებელ ხელისუფლებასთან პირადად მე ამ საკითხთან დაკავშირებით არ მქონია.ეს ძალიან დიდი ტვირთია, ამაზე არ მიფიქრია.მაგრამ  მთელი ჩემი მოღვაწეობა იყო სასამართლოში, დავიწყე მოსამართლის თანაშემწეობიდან,  შემდეგომ პირველ ინსტანციაში,  შემდგომ უზენაესში, ახლა ვარ საბჭოს მდივანი, შესაბამისად, თუ იქნება  მიღებული გადაწყვეტილება, ამაზე ვიფიქრებ,   ეს ჩემთვის დიდი პატივი იქნება. თუმცა ამ საკითხზე ჩამოყალიბებული პოზიცია ნამდვილად არ მაქვს",-აღნიშნა ლევან მურუსიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას