„ქართველები ემოციური ადამიანები ვართ და ბევრ რამეზე ვნერვიულობთ, ვიყოთ ფრთხილად, საპანიკო არაფერია“, - ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის სამეცნიერო საბჭოს თავმჯდომარემ, პაატა იმნაძემ განაცხადა.

როგორც მან აღნიშნა, კორონავირუსის შემთხვევები ძირითადად ასაკოვან ადამიანებში ფიქსირდება, თუმცა ვირუსი განუკურნებელი არ არის.

„სტიგმა და დისკრიმინაცია, რომელიც ბოლო პერიოდში საქართველოშიც გაჩნდა ძალიან სამწუხაროა. ძალიან გთხოვთ ყველამ გაითვალისწინოთ ეს, რომ ჯანმრთელობის მსოფლიო ორგანიზაცია შეწუხებულია იმ სტიგმით და დისკრიმინაციით, რომელიც შეიძლება მოჰყვეს ამ დაავადების ნიშნების გაჩენას სხვადასხვა ქვეყანაში.

ჯერჯერობით ვირუსი სულ რაღაც ერთი თვისაა, მიმდინარეობს ეპიდემიოლოგიური კვლევები, არის ძალიან ბევრი მოსაზრებები, ძალიან ბევრი თეორიები გამოთქმული. მათ შორის, ერთ-ერთი საინტერესო თეორია ამერიკელ მეცნიერებისაა, თუ რომელ ვაქცინას შეუძლია დაიცვას ამ დაავადებისგან ადამიანი არასპეციფიკურად. არსებობს ასეთი მოსაზრებები, რადგან ბავშვები ნაკლებად ავადობენ და მათთან არ არის მძიმე შემთხვევები, ასევე ახალგაზრდებშიც, მაშინ როდესაც შემთხვევების უმრავლესობა და გარდაცვლილების უმრავლესობა 70 წელს გადაცილებული ასაკოვანი ადამიანები არიან. მათ კორონავირუსთან ერთად ჯანმრთელობის სხვა პრობლემებიც აქვთ. ეს ყოველივე მეცნიერული მტკიცებულებებით ჯერ კიდევ არ არის გამყარებული. ამიტომ, მე ამ ტეორიებზე ჯერ ლაპარაკი არ შემიძლია.

ჩვენ, ქართველები ემოციური ადამიანები ვართ და ბევრ რამეზე ვნერვიულობთ. განსაკუთრებით კი ისეთებზე, რომელიც სანერვიულო არ არის და არ ვნერვიულობთ ისეთ რაღაცებზე, რომლებიც სანერვიულოა. აქედან გამომდინარე, მინდა ვთქვა, რომ ჩვენ უნდა ვიყოთ ფრთხილად და უნდა ვიყოთ ფხიზლად, მაგრამ საპანიკო და თავზე წინასწარ დასაყრელი არაფერი არ გვჭირს.

დღევანდელი მონაცემებით, დაახლოებით იმდენივე ადამიანი დაიღუპა, არმდენიც გამოჯანმრთელდა. აქედან გამომდინარე, ეს დაავადება არ არის განუკურნებელი“, - განაცხადა პაატა იმნაძემ.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს