პირიქითა ხევსურეთში, როშკა–არხოტის დამაკავშირებელი გზის მშენებლობაზე ტენდერი თავიდან გამოცხადდა.

როგორც „ექსპრესნიუსს“ რეგიონული განვითარებისა და ინფრასტრუქტურის სამინისტროში განუცხადეს, მანამდე გამოცხადებულ ტენდერში არც ერთ კომპანიას არ გაუმარჯვია.

„არც ერთ კომპანიას არ აღმოაჩნდა სათანადო გამოცდილება და ვერც ერთმა პრეტედენტმა ვერ დააკმაყოფილა ეს მოთხოვნა“, – აცხადებენ ინფრასტრუქტურის სამინისტროში.

განმეორებითი ტენდერი  მიმდინარე წლის 21 ივლისს გამოცხადდა და  11 აგვისტოს დასრულდება.

უწყების ინფორმაციით, იმ შემთხვევაში თუ, ტენდერში ისეთი კომპანია გაიმარჯვებს, რომელიც შესაბამის მოთხოვნებს დააკმაყოფილებს, როშკა–არხოტის დამაკავშირებელი გზის მშენებლობა მიმდინარე წლის სექტემბრიდან დაიწყება.

„ვფიქრობთ, ამ ყველაფერს სექტემბრიდან დავიწყებთ.  ტენდერი უკვე გამოცხადებულია, მაგრამ კომპანია თუ ღირსეული არ იქნება და იმის პირობა თუ არ ექნება, რომ ის ნამდვილად შეასრულებს ნაკისრ ვალდებულებას... მოვლენებს წინ ვერ გავუსწრებთ.  იმედი გვაქვს, ღირსეული კომპანია შემოვა ამ ტენდერში და  გაიმარჯვებს“, – განუცხადეს „ექსპრენიუსს“ ინფრასტრუქტურის სამინისტროში.

ცნობისთვის, იგეგმება როშკა–არხოტის უღელტეხილის  დამაკავშირებელი გზის, სოფელი ამღას საავტომობილო გზის მონაკვეთისა და სოფლების ახიელი–ჭიმღას დამაკავშირებელი საავტომობილო გზების მშენებლობა.

ამ დროისთვის პირიქითა და პირაქეთა ხევსურეთის  დამაკავშირებელი მხოლოდ საცალფეხო ბილიკი არსებობს და ადგილობრივებმა  მხარე უგზოობისა და პირობების არ ქონის გამო დატოვეს.  არხოტში დაახლოებით 4 ოჯახი ცხოვრობს, გზის მშენებლობის შემთხვევაში კი, მშობლიურ მხარეში დაბრუნების მზაობა 30–ზე მეტმა  ოჯახმა გამოთქვა.

უგზოობის გამო, ტურისტები  როშკიდან არხოტში გადასასვლელად ცხენის დასაქირავებლად, დღეში, 250 ლარს იხდიან. ყაზბეგის მუნიციპალიტეტი სოფელი ჯუთიდან არხოტში გადასასვლელად, კი ცხენის დაქირავება ,დღეში, 500 ლარი ღირს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო