მოძრაობა „შეცვალეს“ წევრები პარლამენტის თავმჯდომარის, არჩილ თალაკვაძის კომოს ტბაზე მოგზაურობას აპროტესტებენ რის გამოც, მათ პარლამენტის შენობის გვერდითა შესასვლელთან აქცია-პერფორმანსი გამართეს.

კერძოდ, აქციის მონაწილეებმა პარლამენტის შენობასთან ჭურჭელი მიიტანეს, რომელშიც წყალი ჩაასხეს და არჩილ თალაკვაძეს მოუწოდეს აქ გააგრძელოს ჭყუმპალაობა, რომელიც კომოს ტბაზე ვერ დაასრულა.

„გვინდა მივმართოთ ბატონ არჩილ თალაკვაძეს. ასეთ რთულ ვითარებაში ის უნდა იყოს საქართველოში, რადგან ქვეყნის მეორე პირია. არ უნდა ტოვებდეს ქვეყანას ხუთ ვარსკვლავიან სასტუმროში დასასვენებლად და კომოს ტბაზე საჭყუმპალაოდ. ეს წყალი ისეთივეა, როგორიც კომოს ტბაზე. მართალია ცოტა ცივია. ზუსტად ისეთივე ცივია, როგორი ცივი წყალიც ჩვენ გადმოგვასხეს 18 ნოემბერს“, - ამბობს აქციის ერთ-ერთი მონაწილე.

ავტორი: ექსპრესნიუსი,

სოციალური ქსელები

საქართველოს რეგიონული განვითარების სამინისტრო სექტემბერში გაუქმდება

შეიქმნება რეგიონული პოლიტიკის საკითხებში სახელმწიფო მინისტრის თანამდებობა, რომელსაც მამუკა მდინარაძე დაიკავებს

იან კელი და დევიდ კრამერი: აშშ-მა და ევროკავშირმა „ქართულ ოცნებაზე“ ზეწოლა უნდა გააძლიერონ

PHR: სააპელაციომ დააკმაყოფილა ბექა შონიასთვის სამედიცინო მომსახურების შინ მიღების მოთხოვნა