18 ნოემბრის საპროტესტო აქციების დროს დაკავებული პირები, ჯამში 36 მოქალაქე სასამართლომ დარბაზიდან გაათავისუფლა. 

მოსამართლემ მათი სასამართლო პროცესი 20 ნოემბრისთვის გადადო.

ვალერიან ფილიშვილი ლევან კაჭარავს, პაატა სოსანაშვილის, დიმიტრი ბიძინაშვილის, გიგა მაქარაშვილის, ირაკლი ნადირაძის და დავით მჟავანაძის ადმინისტრაციულ საქმეს სასამართლო 13:00 საათზე განიხილავს.

გურამ მჭედლიშვილის, ბექა ბასილაიას, ელგუჯა ბაგრატიონის, ლუკა ჭიჭინაძის, გიორგი ბუნტურისა და ზუკა ბერძენიშვილის პროცესი 13:30 საათზე ჩაინიშნა, ხვიჩა ბიწაძის, ირაკლი ჩიხრაძის, რევაზ ნიჟარაძის, გოჩა მჟავანაძის, პაატა მანჯგალაძის, ნოე ლაშხის, დავით ბერუაშვილისა და ლევან გორგაძის პროცესი კი, 14:30 საათზე ჩატარდება.

საქალაქო სასამართლოში იმყოფებიან აქციის მონაწილეებიც, რომლებმაც, რუსთაველის გამზირიდან სასამართლოში გადაინაცვლეს. ადგილზე არიან დეპუტატები ელენე ხოშტარია და ხატია დეკანოიძე.
ცოტა ხსნის წინ სასამართლოში მივიდა იუსტიციის უმაღლესი საბჭოს წევრო ნაზი ჯანეზშვილიც, რომელსაც საქალაქო სასამართლოს თავმჯდომარესთან შეხვედრა უნდოდა.

დაკავებულების მიმართ გამოძიება ადმინისტრაციული კოდექსის 166-ე და 173-ე მუხლებით მიმდინარეობს, რაც 15 დღით თავისუფლების აღკვეთას ან ფინანსურ სანქციას გულისხმობს. შეგახსენებთ, შსს-ს ინფორმაციით, ადმინისტრაციულ სამართალდარღვევათა კოდექსის 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) და 166-ე (ხულიგნობა) მუხლებით გათვალისწინებული სამართალდარღვევისთვის სულ 37 პირია დაკავებული.

ავტორი: ექსპრესნიუსი,

სოციალური ქსელები

რუსეთის მთავრობამ გადაწყვიტა, ბენზინის ფასების ზრდის შესახებ მონაცემები გაასაიდუმლოს

კობახიძემ ივანიშვილის დაფუძნებულ ე.წ ქუთაისის საუნივერსიტეტო ქალაქს ბიუჯეტიდან 106 530 ლარი გამოუყო

ჟურნალისტ როგავამ ეჭვი შეიტანა დაკავებული სპეცრაზმელის თავდასხმაში მონაწილეობაში

ახალი კონფლიქტი: ვარშავამ კიევი ისტორიულ პროვოკაციაში დაადანაშაულა