შინაგან საქმეთა სამინისტროს აკადემიაში, შსს-ს საექსპერტო მთავარი სამმართველოს ექსპერტ-კრიმინალისტებისთვის სერტიფიკატების გადაცემა გაიმართა. ექსპერტ-კრიმინალისტებმა გაიარეს სწავლება სახელწოდებით „შემთხვევის ადგილის დათვალიერების ზოგადი კურსი“. ხუთდღიან ტრენინგში საქართველოს მასშტაბით მომუშავე ოცმა ექსპერტ-კრიმინალისტმა მიიღო მონაწილეობა. ტრენინგი აშშ-ს საელჩოს სახელმწიფო ანტინარკოტიკული და სამართალდამცავ ორგანოებთან ურთიერთობის საერთაშორისო ბიუროს (INL) პროგრამის ორგანიზებით ჩატარდა.

ტრენინგი აშშ-ს ჯორჯიის შტატის საგამოძიებო ბიუროს ექსპერტებმა ჩაატარეს. ქართველმა ექსპერტ-კრიმინალისტებმა აიმაღლეს კვალიფიკაცია ნივთმტკიცებათა აღმოჩენის, დაფიქსირების და ამოღების, შემთხვევის ადგილის დაცვის კუთხით. სწავლების ფარგლებში, გაიმართა ფეხსაცმლის და საბურავის კვალის ამოღების მეთოდების შესწავლაც. ექსპერტები ასევე გაეცნენ კრიმინალისტიკის თანამედროვე ტექნოლოგიებს. ტრენინგის მსვლელობისას გაიმართა სწავლება „შემთხვევის ადგილის ფოტოგრაფირება“.

შსს-ს საექპერტო მთავარი სამმართველო აშშ-ს ჯორჯიის შტატის საგამოძიებო ბიუროსთან აქტიურად თანამშრომლობს და ქართველი კრიმინალისტები მსგავს სწავლებებში და გაცვლით პროგრამებში პერმანენტულად მონაწილეობენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარგუს ცაჰკნა - ძალიან ვწუხვარ, რომ ქართული რეჟიმი აბსოლუტურად სხვა გზას მიჰყვება, არა ევროკავშირისკენ გზას

16-17 ივნისს თბილი და უმეტესად უნალექო ამინდია მოსალოდნელი, ხოლო 18 ივნისს გაწვიმდება

რუსული ავიაკომპანია Red Wings ბათუმისკენ ფრენებს კიდევ 6 ქალაქიდან შეასრულებს

თენგიზ შარმანაშვილი პოლიციელების მხრიდან ძალადობაზე - კიდევ მოხდება ხვალაც, ზეგაც