გარემოს დაცვისა და სოფლის მეურნეობის მინისტრის მოადგილე ხატია წილოსანი კანადის კომერციული კორპორაციის ბიზნესის განვითარებისა და გაყიდვების განყოფილების რეგიონულ დირექტორს, მაიკლ სესფორდს შეხვდა.

შეხვედრაზე მხარეებმა სამომავლო თანამშრომლობის პერსპექტივები განიხილეს.

შეხვედრაზე  საუბარი შეეხო სტიქიური უბედურებისა და გარემოსდაცვითი პრობლემების მონიტორინგის, სასოფლო-სამეურნეო მიწის მართვისა და მონიტორინგის, სასოფლო-სამეურნეო პროდუქციის, მათ შორის, რძის ნაწარმის, მარცვლეული კულტურების, აკვაკულტურისა და მესაქონლეობის მიმართულებით განხორციელებულ პროექტებს და მათ მნიშვნელობას.

როგორც შეხვედრაზე მაიკლ სესფორდმა აღნიშნა, იგი შუა აღმოსავლეთში კანადური ინდუსტრიისთვის ახალი ბიზნეს შესაძლებლობების განვითარებაზეა პასუხისმგებელი და საქართველოში სოფლის მეურნეობის მიმართულებითა და გარემოს დაცვის კუთხით პროექტების განხორციელების სურვილი გამოთქვა.

ხატია წილოსანმა  საქართველოს, როგორც ღვინის სამშობლოს შესახებ ისაუბრა და ქართული ღვინისა და ალკოჰოლური სასმელების საექსპორტო პოტენციალისა და კანადის ბაზარზე მისი რეალიზაციის შესაძლებლობები განიხილა.  

მინისტრის მოადგილემ ქვეყნისთვის ტყის მდგრადი მართვის პრიორიტეტულობაზე გაამახვილა ყურადღება და სტუმარს სატყეო სექტორში განხორციელებული რეფორმის, ახალი ტყის კოდექსის მნიშვნელობაზე მიაწოდა ინფორმაცია.

მაიკლ სესფორდის განცხადებით, საქართველო კანადისთვის სტრატეგიული პარტნიორია, რომელსაც  სავაჭრო შესაძლებლობების კუთხით, დიდი რესურსი გააჩნია.

(NS)

ავტორი: ექსპრესნიუსი,

სოციალური ქსელები

ზელენსკიმ ტრამპთან Patriot-ის რაკეტების წარმოება და დიპლომატიის დაჩქარება განიხილა

ჯო უილსონი - “ქართული ოცნება” სიტყვის თავისუფლებას “სიძულვილის ენის” შეჩერების საბაბით ანადგურებს, ამ პრორუსულ, პროირანულ, პროჩინურ რეჟიმს ამერიკა ეზიზღება

ამერიკელმა სენატორები რუსეთის წინააღმდეგ „ჯოჯოხეთურ სანქციებზე“ შეთანხმდნენ

WSJ: ტრამპი იმედგაცრუებულია პუტინით ომის სწრაფად მოგების შესახებ მისი დაპირებების შეუსრულებლობის გამო