2019-09-21 17:43:56, 6454 ნახვა
მსოფლიო
100-ზე მეტი დაკავებული - პარიზში, პოლიციამ „ყვითელი ჟილეტების“ აქციაზე ცრემლსადენი გაზი გამოიყენა
პარიზში „ყვითელი ჟილეტების“ აქციაზე სამართალდამცველებმა 100-ზე მეტი ადამიანი დააკავეს, - ამის შესახებ BBC იუწყება.
მედია საშუალების ინფორმაციით, პოლიციამ მომიტინგეების წინააღმდეგ ცრემლსადენი გაზიც გამოიყენა. შეტაკებები სამართალდამცველებსა და აქციის მონაწილეებს შორის პერიოდულად ხდებოდა. ადგილზე 7 ათასი სპეცრაზმელია მობილიზებული.
მედიის ცნობით, მასშტაბური ოპერაცია სამართალდამცავებმა „ყვითელჟილეტიანებსა“ და კლიმატის დამცველთა აქციის მონაწილეებს შორის შესაძლო შეტაკების ასარიდებლად ჩაატარეს.
შეგახსენებთ, რომ „ყვითელი ჟილეტების“ მოძრაობის საპროტესტო აქციები საფრანგეთში 2018 წლის 17 ნოემბერს დაიწყო, როდესაც მოსახლეობამ საავტომობილო საწვავის ფასების ზრდა გააპროტესტა. მას შემდეგ ისინი აქციებს პერიოდულად აწყობენ.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
