საქართველოს თავდაცვის სამინისტროს სსიპ კიბერუსაფრთხოების ბიურო დაჭრილი ჯარისკაცების პროგრამაში კიბერუსაფრთხოების კუთხით ერთვება.

დღეს კიბერუსაფრთხოების ბიუროს დირექტორმა ანდრია გოცირიძემ ISAF-ის მისიის დროს დაჭრილი სამხედროები ბიუროში მიიღო. ღონისძიებას საქართველოს თავდაცვის მინისტრის მრჩეველი სამედიცინო საკითხებში, ქალბატონი შერი მიშელი დაესწრო.

შეხვედრაზე დაჭრილ სამხედროებს  ბიუროს საქმიანობა,  მიზნები და ამოცანები გააცნეს, ასევე წარუდგინეს პრეზენტაცია ქსელური მოწყობილობების უსაფრთხოდ მოხმარების შესახებ. სტუმრებისათვის  ბიუროს ტექნოლოგიების ციკლის ვიზუალიზაცია განხორციელდა. სამხედროები პრაქტიკული რჩევების და თავდაცვის სამინისტროს კიბერშესაძლებლობების საკითხით დაინტერესდნენ.

პროექტი საწყის ეტაპზე დაჭრილი სამხედროების შერჩევასა და კიბერუსაფრთხოების საბაზისო კურსის სწავლებას, შემდეგ კი ბიუროში დასაქმებას ითვალისწინებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს