აჭარის მთავრობის თავმჯდომარე თორნიკე რიჟვაძე ტურიზმის სექტორში შექმნილ ვითარებას კიდევ ერთხელ აფასებს და აცხადებს, რომ  20-21 ივნისს დედაქალაქში განვითარებულმა მოვლენებმა, უპასუხისმგებლო პოლიტიკოსებმა და ამ ქვეყნის არაკეთილმოსურნეებმა - ნაციონალურმა მოძრაობამ შეძლო მზარდი ტურისტული დინამიკა გარკვეულ წილად შეეფერხებინა.

თორნიკე რიჟვაძის თქმით, მაისისა და ივნისის მონაცემების ფონზე, აჭარაში ტურისტების გარკვეული ნაკლებობა შეიმჩნევა და  მოსალოდნელია, რომ ოჯახები, უპასუხისმგებლო პოლიტიკოსების ქმედებების შედეგად,   მიიღებენ  გარკვეულ ზიანს.

თორნიკე რიჟვაძის განცხადებით,  არ აპირებენ გაჩერებას და  ცენტრალურ მთვრობასთან ერთად შემუშავებული შესაბამისი გეგმით იმოქმედებენ.

"გავაკეთებთ ყველაფერს, რომ დიდი ინვესტიციები განხორციელდეს, ასევე მცირე და საშუალო ტურისტული ობიექტების მეპატრონეებს დავუდგეთ გვერდში და ამ ქვეყნის საბოტაჟზე გადასული პოლიტიკოსების მოქმედებების შედეგად, არცერთი ქართული ოჯახის ეკონომიკური ინტერესი არ დაზიანდეს." - აღნიშნა აჭარის მთავრობის თავმჯდომარემ ბათუმში მსხვილი საინვესტიციო პროექტების დათვალიერებისას.

(NS)

ავტორი: ექსპრესნიუსი,

სოციალური ქსელები

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის

გომის მთაზე მომხდარი ავარიის საქმეზე დაკავებულ მიკროავტობუსის მძღოლს პატიმრობა შეეფარდა

სად განახორციელებს სოლიდუსი ნაყიდი საწვავის რეალიზაციას, ჩვენთან არ თანხმდება – რესპოლი

ელენე ხოშტარია: საწვავი აფხაზეთში რუსეთის დავალებით მიაწოდეს